Biar’akan Haja Hulu (RENUNGAN)


Biar’akan Haja Hulu (RENUNGAN)
Oleh: Ian Gancank, Palangkaraya (NSL06)

Takisah abah wan tiga ikung anaknya nang masih halus-halus, lagi manunggu taksi di halti. Anak nang panambayan wan kadua lagi asyik bagagaya’an di higa halti, mun anak nang katiga masih bakilik wan abahnya. Lawas manunggu akhirnya ada jua taksi nang lalu, di kawai sidin’ai.

Singkat kisah, pas di dalam taksi nang panumpangnya kada tapi hibak tu, anak nang panambayan wan kadua tadi masih manyambung gayaannya di halti, nang tapagat tadi pas masuk ka taksi. Asyik’ai buhannya nih bagayaan, kuciak-kuciakan, hen ngarannya kakanakan kada tahu-tahu’ai wan urang. Rupanya ada panumpang nang pina taganggu wan kalakuan anak sidin ne, balalu’ai urang nih ba’ucap.

“Mang, tagur pang anak pian, ulun ni hanyar bulik bagawi, awak uyuh, kapala pusing tambahnya lagi anak pian ni nang bagayaan!” ujar urang tadi.

“Hi’ih, tagur pang mang!” jar urang nang di higa jua manyambungi.

Sambil lihum sidin manjawab, “Biarakan haja buhannya bagaya’an, puas-puas akan buhannya hulu.”

Lalu jar urang nang managur tadi, “Kanapa maka kaya itu, mang?”

Dijawab sidin’ai, “Puas akan buhannya ja hulu, sabalum aku mamadah’akan kalu mamanya sudah maninggal kamarian tadi di rumah sakit, malihat buhannya nang bisa tatawa kaya itu lagi, asa ngalih pang kaina, nang biasanya tiap hari tatamu mamanya, nang biasa dipusuti di kapala wan kasih sayang mamanya. Sadangkan wahini umanya sudah kadada lagi. Jadi minta tulung’ai hulu dangsanak lah! Biarakan haja hulu buhannya tatawa’an. Sampai di rumah kaina hanyar ku padah’akan.”

Lalu’ai tadiam urang nang tadi managur, sadangkan panumpang nang lain ada nang ma’ambil HP lalu mamicik ka numur, manalipun mamanya.

“Assalamualaikum! Kayapa habar, ma’? Mudahan wigasan haja lah, kami di sini waigasan haja.Ulun isuk handak ba’ilang ka rumah, ulun sayang mama!!”

HABIS KISAH….

Jadi mun kawa ditarik kasimpulannya, “Salagi masih baisi kuwitan, baiknya kita sayangi, jangan disia-sia kan kasih sayang uma wan abah kita. Mudah-mudahaan kita manjadi anak nang barbakti wan kuwitan..amiiiiiin..!!”

6 thoughts on “Biar’akan Haja Hulu (RENUNGAN)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s