SARANG SAMUT

SARANG SAMUT

Oleh: TumanggungArga Sandipa BatanggaAmas

(Admin FB: BUBUHAN KULAAN URANG ALAI BORNEO)

UBAT-UBATAN TRADISIONAL BUBUHAN URANG BORNEO (SARANG SAMUT)

Sarang samut baisi ngaran ilmiahnya myrmecodia pendans . Tumbuhan naya dasar bubujuran sarang samut lantaran di dalamnya nintu ada nang ngarannya labirin nang dijadikan bubuhan samut liang hagan baraktivitas. Kada kita sangka kalunya sarangnya nintu kawa hagan ubat macam-macam panyakit tamasuk panyakit nang ganas.
Sarang samut naya diulah urang hagan campuran bubur wan ada jua nang diminum hagan maningkatakan imunitas awak. Salain nintu, banyak jua nang mangguna’akan hagan ubat panyakit dalam. Apuah alami nang ada di sarang samut nintu ada kandungan zat-zat aktif nang kaya antioksidan, polifenol, wan glikosida. Talu buah zat naya mambantu bangat ka awak kita hagan manguntrul macam-macam panyakit maut. Salah sabutingnya imuno stimulan hagan manambah kakabalan awak. Baca lebih lanjut

Iklan

SIRIH HABANG

SIRIH HABANG
Oleh: TumanggungArga Sandipa BatanggaAmas
(Admin Grup FB: BUBUHAN KULAAN URANG ALAI BORNEO)

Sirih Habang (Koleksi Tumbuhan Berkhasiat Pulau Borneo)

Kada disangka sakalinya tie daun sirih macam-macam jua warnanya lieh? Wan ada jua apuahnya hagan ubat. Sabuting di antaranya nintu sirih habang ngarannya, kalunya ngaran latinnya PIPER CROCATUM nang tamasuk sajanis bubuhan PIPERACEAE.

Sirih Habang naya bantuk wan ukurannya sama haja wan sirih nang hijau, lamun nang babida tu tie batang wan daunnya nang bawarna habang kaperak-perakkan wan pina mangkilat. Salain nintu, munnya daunnya dirabit atawa dikunyak-kunyak di tangan, Sirih Habang nintu kaluar landir, wan Sirih Habang naya taharum baunya dari pada sirih hijau. Baca lebih lanjut

MINYAK BINTANG

MINYAK BINTANG
Oleh: TumanggungArga Sandipa BatanggaAmas
(Admin Grup FB: BUBUHAN KULAAN URANG ALAI BORNEO)

Banda-Banda Baapuah Borneo "Minyak Bintang"

Jakanya ada panilitian nang khusus mangklasifikasi macam-macam banda ba’apuah, kira-kira di Indoensia nang paling banyak bangat baisian banda ni tu. Salah satu pulau nang baisi macam-macam banda ba’apuah ni tu yaitu di Pulau Borneo na ya. Janis benda-benda ba’apuah nang dimaksud tu tie macam-macam bantuknya, ada nang tumatan kayu atawa wasi ada jua nang bantuknya cair nang tumatan minyak, tantunya kagunaannya gen babida jua.

Salah satu banda ba’apuah nang babantuk cair ni tie nang tarkanal di Borneo yaitu “Minyak Bintang” ada jua urang nang mangaraninya “Minyak Rambai Bintang”. Apuah minyak ni tie supaya urang nang mauntal minyak na ya tahan gantal, tahan timpas, tahan sodok (kabal dari sanjatan tajam). Baca lebih lanjut

TABU SALAH

TABU SALAH
Oleh: TumanggungArga Sandipa BatanggaAmas
(Admin Grup FB: BUBUHAN KULAAN URANG ALAI BORNEO)

BANDA BAAPUAH PULAU BORNE "TABU SALAH"

Banda nangini masih tumatan tumbuh-tumbuhan, lamun cuma urang-urangnya haja pang nang tahu kalunya tumbuhan na ya tie ada apuahnya. Sualnya tumbuhan na ya tangalih mancarinya lantaran hanya ada di hutan haja. Nangarannya tie “Tabu Salah”, tumbuhan ni tie mirip bangat wan TEBU atawa nang biasa kita sambat MANISAN. Tumbuhan nangini baruas-ruas nang kaya tebu tie pang. Bilanya mau tumbuh bisa panjang bangat jua kaya paring, lamun Tabu Salah ni tie batangnya ta padat bila dibandingakan wan paring, batangnya padat parsis kaya walatung, tapi bida bangat wan walatung. Baca lebih lanjut

KAYU PUTAR

KAYU PUTAR
Oleh: TumanggungArga Sandipa BatanggaAmas
(Admin Grup FB: BUBUHAN KULAAN URANG ALAI BORNEO)

Mandangar ngarannya ni tie pina anih pang lah, ‘Kayu Putar’. Kira-kira kita barataan ni tie mambayangakan nang kaya apa gerang bandanya ni tu. Napakah Kayu Putar ni tu kayu nang kawa baputar-putar serongan jadinya dingarani urang Kayu Putar. Panambayannya bingung jua mandangar ngarannya ni tu, lamun pas malihat bandanya sakalinya kayu biasa haja wan kada bisa baputar-putar nang kaya kita bayangakan.

Kayu Putar ni tie kadada bidanya wan kayu biasa, sama-sama tumatan batang atawa ranting puhun jua. Maskipun sama haja padatia kayu, lamun ada bidanya. Nang ngarannya kayu putar na ya di bagian luarnya ada samacam urat-urat kayunya nang kaluar wan malilit (mamutari) ka batang atawa ranting. Urat-urat kayu nin tu kaya sapiral lamun kada ba’aturan lilitannya. Lantaran nin tu lalu dingarani urang “Kayu Putar”. Baca lebih lanjut

PIRING MELAWEN RATAK SARIBU

PIRING MELAWEN RATAK SARIBU
Oleh: TumanggungArga Sandipa BatanggaAmas
(Admin Grup FB: BUBUHAN KULAAN URANG ALAI BORNEO)

Banda Banda Ba'apuah Urang Borneo "Piring Melawen Retak Seribu"

Sabarataan urang pasti tahu wan ngarannya PIRING MELAWEN RATAK SARIBU ni tie. Ngarannya gen ratak saribu, barti banyak bangat rangatnya. Sabujurnya piring naya kadanya ratak pang, lamun lantaran gambar atawa motifnya nang bagaris-garis kaya ratak wan banyak bangat, lantaran nangitu lalu dingarani ratak saribu.

Piring na ya tie macam-macam ukurannya, ada nang diamitirnya baukuran 40 cm sampai 60 cm. Piring naya gen banyak jua mutif-mutif tambahannya, ada nang bagambar burung, gambar naga wan gambar kambang. Piring melawen ni tie tamasuk banda langka, kanapa jadinya langka? Itu lantaran umur piringnya nitu ratusan wan ribuan tahun, ada nang diulah urang tumatan abad 17, abad 18, tumatan dinasti Ming, Dinasti Ching, ada jua tumatan jaman majapahit. Baca lebih lanjut