Dari Negeri Sambang Lihum ke Banua Hujung Tanah

PEMBERITAHUAN

Logo Banua Hujung Tanah Page

Kakawanan yang biasanya bergabung di halaman Negeri Sambang Lihum, sekarang halaman tersebut sudah ditutup. Sebagai gantinya dibuatlah halaman baru Banua Hujung Tanah, yang lebih melebarkan visi misinya untuk mengenalkan Sastra, Budaya, Adat, dan Bahasa Banjar kepada dunia.

Mohon dukungan kakawanan untuk me-LIKE halamannya BANUA HUJUNG TANAH

Terimakasih

Pambakal Sambang Lihum

Iklan

UTUH PALILAK JADI PULISI (Serial Utuh Palilak)

UTUH PALILAK JADI PULISI (Serial Utuh Palilak)
Oleh: Datu Panglima Alai

Ada kisah Urang Alai ngarannya Utuh Palilak. Si Utuh Palilak naya sabujurnya nasib haja maka kawa ditarima jadi pulisi. Maka urangnya bubu*gul pintar kaya si Palui. Inya di andak urang di bagian intel marga diliat putungan kada kaya pulisi. Urangnya awak manguringkai, inya dapat kasus pembunuhan pejabat.

Ujar kumandannya Inspektur Tarigan, “Hai kau Utuh Palilak sudahkah tercium pembunuhnya?”

Jar Utuh Palilak, “Ba…balum kumandan!”
“Kenapa belum?” ujar kumandan pina manciling mata sambil bakacak pinggang.
“Nang mambunuh sakalinya bibinian bungas, bini simpanan pajabat tu kumandan ai, ulun gugup maliat, jadi kada wani mancium,” ujar Utuh Palilak.

Ebook Bubuhan Jingah Rabit Vol.3

Sakapur Sirih Matan Admin
Bubuhan Jingah Rabit

Ebook BJR V.3

Nangkaya biasanya, bila handak baulah kata pangantar, pasti dah takang utak. Jadi ibarat jalan tu, jalan buntu. Tapaksa ae dikawani sabungkus ruku LA wan 2 cangkir kopi mik, nintu gin kada cukup, hanyar saparu manulis tapaksa balalah dahulu ka warung Acil Enor mancari inspirasi nangapa nang handak ditulis. Padahal kada banyak kada, cuma kata pangantar.

Takang nang kadua, sakali handak mauplud ka ziddu, pas gangguan. Lawas banar macubai, kada mau juwa. Sakali dicek, pas pulsanya nang habis, labaram. Maklum di kampung, kada kawa nangkaya urang langsung ka warnet, tapaksa kujuk-kujuk mancari urang bajual pulsa. Untung nang bajual bungas urangnya, kurihingnya gin maulah kaganangan saminggu.

Ahirnya kadada ucapan lagi nah, selain Alhamdulillah. Grup Bubuhan Jingah Rabit nang baubah ngaran manjadi Negeri Sambang Lihum kawa pulang maulah 2 buah ebook hanyar. Nang naya bajudul Serial Utuh Palilak, nang ditulis ulih dangsanak kita Datu Panglima Alai, Barabai. Ebook ne baisi kisah 18 buah, nang isinya marupakan kritik sosial nang disampaiakan liwat tukuh utamanya UTUH PALILAK. Jadi ini ebook vulume 3. Ebook vulume 4 nya bajudul Serial Utuh Ujai.

Diaku nang disarahi tugas tukang pos kisah di grup Bubuhan Jingah Rabit, maucapakan tarimakasih nang kada tahingga atas dukungan kakawanan nang sama-sama baisi ambisi hagan maangkat budaya Banjar malalui kisah. Jangan sampai budaya Banjar hilang di bumi ujar urang bahari.

Juwa, kada manutup kamungkinan dalam kisah naya ada nang manyinggung sabagian kakawanan, sacara pribadi admin muhun maaf wan minta rila saganal langit wan bumi.

Bahasa nang digunakan juwa masih bacampur wan bahasa Indunesia, maklum adminnya banyak kada paham bahasa urang bahari, jadi sambil balajar ae.

Kadada lagi nah nang parlu dipanderakan salain kata “salamat mambaca” haja. Wan juwa tunggu kehadiran kisah salanjutnya nang bajudul Serial Utuh Ujai.

Salam Hurmat wan Barilaan,

Pambakal Jingah Rabit

DOWNLOAD

SALAMAT BAHARI RAYA 1431 H

SAYA SELAKU ADMIN MENGUCAPKAN SELAMAT IDUL FITRI 1431 H LAWAN DANGSANAK-DINGSANAK, ACIL, ANGAH, PAMAN, DIANG, ADING-ADING BARATAAN

MAAF HANYA LIWAT PANTUN HAJA

Anak kucing di bawah meja
lagi asyik makan sate
mohon maaf atas segala
salah sikap wan salah kate

Iwak wadi disambar gledek
Idul fitri is come back
Utuh Ujai manimbai lunta
maafin kita sekeluarga ya (Buah jambu disayur lodeh, Kalo gak mau, ee e ee capek deh)

Jalan kaki ke Pekauman
Maulah parang ka tukang pandai
satumat lagi hari lebaran
asyik, nyata dah banyak wadai

Buah Pepaya buah duku
dimakan Ujai sampai kanyang
Maaf yaa atas segala salahku
mari sambut lebaran wan hati sanang Baca lebih lanjut

Ebook Bubuhan Jingah Rabit V.2

Ebook Bubuhan Jingah Rabit V.2

Pambukaan
Assalamualaikum

Bahwa sasungguhnya imbah sukses manarbitakan ebook Jilid 1 nang didunlud oleh ribuan urang, Bubuhan Jingah Rabit mangaluarakan pulang jilid nang ka-2. Ebook ne baisi 67 kisah nang lucu maulah sakit paparutan tatawa.
Bahasa nang digunakan tacampur Bahasa Banjar Hulu wan Bahasa Banjar Kuala. Mun ada bahasa nang kada kawa dipahami, bisa ditakunakan di Grup Bubuhan Jingah Rabit.

Ujar urang, kisah Bahasa Banjar ne kadada matinya. Kaitu juwa Bubuhan Jingah Rabit ne, imbah Jilid 2 ne kaluar, cagaran kaluar pulang Jilid 3 (Serial Utuh Palilak wan Utuh Ujai).

Pambakal manyadari bujur pada kisah-kisah di ebook ne banyak juwa diambil dari kisah bahasa lain nang ditarjamahkan ka dalam Bahasa Banjar. Dalam kasampatan naya, Pambakal maucapakan tarimakasih wan kakawanan, kukulaan, dangsanak-dingsanak, wan siapa haja nang suah mangirimakan kisah ka grup. Sabagai ucapan tarimakasih, pambakal mamparsambahkan Ebook jilid 2 ne kapada siapa haja nang marasa bangga Babahasa Banjar.
Kukurangtambahnya diucapakan tarimakasih.

Wassalam,

Pambakal Jingah Rabit

DOWNLOAD VIA ZIDDU

E-book Bubuhan Jingah Rabit (Jilid 1)

Alhamdulillah, kini grup Bubuhan Jingah Rabit sudah dapat membuat buku sendiri, walaupun banyak kekurangan sana-sini. Banyaknya cerita yang masuk, menjadikan banyak masukan untuk segera menerbitkannya.

Semoga ada manfaatnya.

DOWNLOAD (Ini bisa gagal kalau admin tidak online)

Alternatif Download: Via ziddu Klik

Kakawanan nang balum baisi kamus Bahasa Banjar, silakan DOWNLOAD Aplikasinya.

Nang handak mancari kosa katanya silakan masuk di http://kbb.tabalongkab.go.id/kamus.htm