PATIH AMPAT
Oleh: Datu Panglima Alai
(Admin Grup FB: BUBUHAN KULAAN URANG ALAI BORNEO)
Waktu zaman karajaan Nagara Dipa, ada ampat ikung patih karajaan nang tarkanal bagalar “Patih Ampat”. Bubuhan nang ba ampat ni marupakan Panglima Karajaan nang paling di andal akan, buhannya rakat banar kamana haja pasti ba ampat, susah sanang ditanggung basamaan. Siapa sabujurnya Patih Ampat nintu?
Nang partama bangaran “Panimba Sagara”, katuju babaju kuning, baisian kasaktian kawa bahinak dalam banyu, sanjata ganggamannya “Naga Runting” urangnya nicis, panampilannya “rapi jali”.
Nang kadua bangaran “Pambalah Batung” katuju babaju hijau, baisian kasaktian “ilmu gancang” kawa ma angkat batu gunung nang ganalnya kaya rumah, sanjata ganggamannya “Sampana Carita” urangnya harat bapandir wan badiplomasi.
Nang katiga bangaran “Garuntung Manau” katuju babaju hirang, baisian kasaktian bisa tarabang, sanjata ganggamannya “Balitung” urangnya pandiam kada banyak pandir tapi jujur.
Nang kaampat bangaran “Garuntung Waluh” katuju babaju habang baisian kasaktian bisa maliat jarak jauh wan bisa batatamba, sanjata ganggamannya “Tilam Upih” urangnya pandiam, karas hati tapi panampilan sadarhana.
Kaampat Patih nintu sama saktinya ngalih bangat dikalah akan, rancak banar bubuhan pandikar matan pulau jawa mambawai ba adu kasaktian tapi kada kawa ma alah akan buhan patih ampat. Nang tarahir ada empu matan Majapahit mangirim karis nang kawa tarabang bangaran “karis Cundrung Campur” gasan mantis kasaktian Patih Ampat, imbah bakalahi 3 hari 3 malam ahirnya karis cundrung campur hancur bakaping-kaping wan empu Majapahit ti mati.
Sawaktu Pangiran Suriansyah ba Islam, ka ampat patih ti handak jua umpat ba Islam, tapi ulih Khatib Dayan buhannya nang ba ampat ti disuruh basunat hulu. Tapi sakalinya buhan nang ba ampat ti takutan disunat lalu bukahan ka gunung maratus, tuhuk Khatib Dayan mancarii nang ba ampat ti kada suah tatamu lagi, ujar kisah buhan Patih Ampat ti baubah jadi Urang Gaib di Pagunungan Maratus. Manurut kaparcayaan satampat buhan Patih Ampat ni kawa dikiyau wan diulah sahabat malalui parantaraan balampah.
banua hujung tanah 
unda suah tatamu nang sidin tu jar tutus Garuntung Manau.. suah Garuntung Manau tu bahampir wan sidin.. dasar kada kawa di tangkapi, gagah banar.. wan dalam kasurupan tu sidin mangaku Garuntung Manau.. bujur kadanya Garuntung Manau nang masuk wallahu’alam..
Nah kada tahu juwa pang mang ae….
Cuma mun kisah 4 patih naya dasar ada
mun kisah datu ampat ni dasar ada dangsanakai, unda suah mambaca di buku Datu Datu Kalimatan. wan jua mandangarakan kesah2 org2 tuha bahari.. tp yg perlu kita pertanyakan nang menyusup ke raga seseorang yg mengaku datu2 kita bahari. apakah itu benar sang datu atau jin2 yg mengaku-ngaku.. tp kita kada perlu bicarakan ini, ia luku (kalo-banjar) dangsanak.? krn itu ranah mistik yg juga merupakan khasanah budaya banjar.. tinggal iman kita yg menyikapinya..
wallahu’alam
Ya, mudahan kada tasalah kesahnya
Masalah itu nang mnyusup k awak, kita kada kawa mangaramputakan…,dasar kenyataan nya ada di sakitar kita..,apa lagi klo itu buhan juriat raja” atau datu” bahari…,otomatis tahubung lawan anak cucu sidin….,jadi tinggal iman kita masing-masing ja lagi yang menyaring nya.
Sip…….setuju dangsanak ae
Brrti lmun ada manyusup ke awak tuh babuhan datu2 bahari kah atau buhan dzuriat pangeran..knp bisa leh
klo org whini mmadahakan bla nang gaib tu jin,krn hnya brpatukn pda al qur’an jin dan manusia,pdhal itu emang urangny tau nang dsebut pndamping,amun jin kda wani mangaku sembarangn naran org nang sakti.(kcuali jin itu d ijinakn nang ampun naran),kyatu pang spangatahuan lun.
klo kesah nang suah ulu baca ka ampat patih ngituh ba Islam jua akhirnya….
setelah behari hari di cari khatib dayan,
Makasih infonya dangsanaklah… Ulun blm suah juwa mandangar kesahnya nang baislam. Mun pian ada beisian, bisa di sharring di sini!
rasanya kesahnya tu ada dikumpulakan wan ditulis arwah H Gusti Mayur SH. ada tu buku sidin di parpustakaan daerah di pal 6 di banjar tu.
asa lucu jua lah, sesakti-sakti datu datu patih itu, maka am takutan basunat. itu kan kakanakan aja gin wani asal dipandiri, hehehe
lebih masuk akan kesah bubuhannya masuk islam, apalagi ada Pambalah Batung nang mustinya bahual dulu lawan Khatib Dayan badiskusi sebalum buhan sidin baampat baislam…
wallahualam bishawab
Ha ha ha ha ha, kada takisahkan nah masalah bahual nintu, kena kami tulis pulang
Saorang handak banar tahu nah nang kaya apa bentuk senjata buhannya tu…adalah contoh-contohnya…
Mun kami kada suah malihat, mungkin nang lain ada baisian, mudahan ada nang menshare ke sini
Alhamdulillah beliau beampat selalu setia disamping kami,…insya Allah kapanpun kami memerlukan, beliau dengan setia datang,….ini nyata dan beliau beempat memang nyata hadir,…
kawakh unda menta tolong wan sedin ngeto nch
mantap kisahnya. makin mantap lamun kawa disunting baasa, tampulu kakawanan di atas banyak nang maungkai jua versi-versi lainnya, nang kaya sampat baislam. ulun handak jua batakun kalo ada nang tahu, mun patih ampat hidup tumatan nagara dipa sampai kerajaan banjar baarti umurnya panjang banar. wayah bakalahian pangeran samudera wan pangeran tumenggung tu patih ampat ni umpat siapa? atau kada mamihak siapa-siapa, lalu imbah pangeran samudera manang hanyar buhannya baungkai?
umai pangincit dapatnya basunat
dasar waja sampai kaputing lahai
di buku arwah Haji Gusti Mayur tu dikesahakan bubuhan Patih Ampat ini umpat turun tangan waktu baolah masigit di Kuin tu nah, nang imbahnya dingarani Masigit Sultan Suriansyah. Bubuhannya dapat parintah mancari ulin gasan tihang guru masigit, 4 buah tihang ulin ganal-ganal, diambil matan Maratus, disahan ka Batang Nagara, dilarutakan sampai Kuin—seberataan berperan sasuai kasaktiannya—–
kisah 4 Ampat ini temasuk legenda, folklore jar mun di kampus tu–artinya lain sajarah nang ada bukti-bukti otentik atawa fisiknya—semuaan kesah Patih Ampat asalnya kesah tuturan haja–kada nang kaya Nagara Dipa nang ada prasastinya—-tapi tadi, legenda biasanya batajak di atas kisah nyata, fakta, tapi tarus dikambangi sana sini dalam panuturan hari-hari—
jadi Patih Ampat diyakini memang ada urangnya langkap dengan bajunya, sanjatanya—semuaan itu karis, mang, Naga Runting itu luk 9, jar, nang kawa badiri di atas hulunya, nang bisa tarabang–waktu bakalahi baadu kasaktian lawan Empu Majapahit tu, bakalahinya di awang-awang di udara (kada dalam banyu…)—jadi kesah parang maya dimana urang sakti bisa mangirim macam-macam gasan malukai atawa mambunuh musuh bisa dipahami di sini.
Mun masa hidup beliau-beliau itu bisa kita lacak dari latar kesahnya tu jua–bisa di akhir masa Pangeran Tumenggung, atau badahulu sadikit, pambarontakan Pangeran Samudra, sampai umpat baislam—-
bisa jua nang dimaksud Patih Ampat ini kada saikung nitu-nitu aja urangnya–artinya sabujurannya ilmu diturunakan maka nang manarima itu jadi panarusnya, tamasuk mambawa galar wan ngarannya—cuma nangini kadada jua kesahnya, hanya hipotesis nalar—wallahu alam bisshawab..
Sip. Satuju banar wan pandapat pian. Mudahan ada kalangan pemerhati budaya banjar, nang hakun manaliti kenanya. soalnya di pegunungan, kisah ttg Patih Ampat ne masih hidup di tengah masyarakatnya. Biasanya buhan nang beampat ne di hiyau rahatan upacara adat, wan disadiakan kursi san dudukan. Tuturan kisah patih ampat ne bisa jua didangar matan mamangan (bamamang) balian, atawa urg nang dirasuki pada saat acara adat.
walahul ‘alam
kalu manurut kisah datu ulun Patih Naga Runting wan Patih Sampana ti badangsanak / badua baading. Patih Naga Runting ti nang kaka mamimpim kapatihan wilayah Tapin – Rantau, Patih Sampana ti ading mamimpin wilayah kapatihan Kandangan.
sidin nang ba 4 ni jua ujah nang manjaga kalsel naya..walahul’alam
Makam pambalah batung tu dasar ada di margasari ilir candi laras selatan
Makam pambalah batung tu dasar ada di margasari ilir candi laras selatan. Cuma kasian kurang terawat dan kurang mendapat perhatian dari pemerintah maupun warga
Allazi nayu minuu nabil ghaibi..percaya kepada yg ghaib ini juga termasuk dlm surah albaqarah