PICIS MIMANG


PICIS MIMANG

Oleh: TumanggungArga Sandipa BatanggaAmas

(Admin Grup FB: BUBUHAN KULAAN URANG ALAI BORNEO)

BANDA-BANDA BA'APUAH BUBUHAN URANG BORNEO "picis mimang"

Banda nangini tamasuk banda langka, lantaran ada urang nang mamadahakan kalunya banda nangini tumatan karajaan gaib. Mandapatakannya gen harus balampah wan puasa dahulu. Ngaran banda ni tie PICIS MIMANG, bubuhan kula-kula barataan bisa haja ada nang hudah tau luku wan banda naya tie.
Banda nangini karancakannya ada dua buting (bagampir), kadua-duanya babantuk bulat kaya duyit benggol wan di sakuliling pinggirnya ada ukiran kaya kaligraf. Sabuting nang ukuran diamitirnya kira-kira 4 cm ada gambar salah saikung tukuh punakawan di dunia pawayangan, yaitu Semar. Disubalahnya ada gambar Gunungan di dunia pawayangan jua. Kalunya nang sabutingnya tahalui ukuran diamitirnya kira-kira 3 cm di subalah-manyubalahnya ada gambar ukiran kaligrafi (wafaq).
Apuah Picis Mimang ni tie targantung tingkatannya, kalunya Picis Mimang tingkatan partama apuahnya awak nang mamakai banda nangini tahan dari macam-macam sanjata tajam wan tahan timbak, jangankan awak rambut gen kada pagat munnya ditatak. Picis Mimang tingkatan kadua, apuahnya sama haja wan nang partama, lamun nang tingkatan kadua ni tie rambut masih kawa pagat munnya ditatak. Picis Mimang tingkatan katalu, apuahnya cuman tahan sanjata tajam haja.
Dasar tangalih pang mambidakan mana nang tingkatan partama, kadua atawa nang katalu, munnya handak mangatahuinya harus dicuba dahulu. Caranya: Picis Mimang buat ka dalam galas kaca (labih bagus lagi galas nang sudah rangat) nang baisi banyu, ganakan dahulu sapandang, limbah nitu hanyaram ditimbak.
Ada nang mamadahakan kalunya kita mamakai banda nangini, salain awak taguh, kita gen disagani atawa ditakutani ulih macam-macam Jin wan mahluk halui. Kadida catatan nang pasti tumatan pabila padatuan kita bahari tahu Picis Mimang ni tie. Lamun munnya kita parhatiakan kabiasaan padatuan-padatuan kita bahari dahulu nang katuju balampah, diparkirakan sabalum masuknya agama Islam ka banua kita, bubuhan padatuan kita sudah manganal banda nangini.
Damini Picis Mimang banyak dicari-cari bubuhan koliktur banda antik lantaran apuahnya ni tu, lalu dijualnya wan harga nang larang bangat ka bubuhan pajabat atawa pangusaha hagan palindung diri.
Sahibat-hibatnya ilmu atawa banda, tantunya kada kawa ma’alahakan kakuatan Allah SWT.

Iklan

7 thoughts on “PICIS MIMANG

  1. mohon info apabila ada kolektor yang cari picis mimang pandawa lima….bergambar tokoh pewayangan pandawa lima dan punakawan (semar, gareng, petruk dan bagong).

    picis 5 buah lengkap bergambar tokoh pewayangan tsb di atas.

    contact 085751093992 / 081346638545
    (barang ready di Kota Banjarmasin Kalimantan Selatan)
    ingin dimaharkan…
    ridwan

  2. picis mimang tu benda kahc,,,,
    yg di tangking pusat tu picis mimang jua luu,,,,,????
    aq ad bisi tuu,,,,yg d baca p0akai sahadat,,,

  3. Kalau picing mimang yg asli . Itu org2 dayak maanyan yg punya . Area barito timur . Kalau yg lain oplosan seberataan.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s