NITIL BANAR


NITIL BANAR
Oleh: Adum, Kelua

Wanbuy wan Su Inur handak banikahan, jadi buhannya bedua ne marundingakan kabila bulan nang pas sagan banikahan.

“Kayapa mun kita nikah bulan Juni haja, Ka?” Jar Su Inur.

“Cah, jangan bulan Juni. Bulan Juni tu aku handak tulak panataran ka Jawa sabulanan,” jar Wanbuy.

“Mun bulan Juli pang kayapa?”

“Jangan bulan Juli, bulan Juli kena aku ada training di parusahaan batu bara wadahku bagawi, parak sabulan pulang lawasnya.”

“Mun kaitu bulan Agustus ae, Ka lah?”

“Jangan bulan Agustus, sebab bulan Agustus aku cagaran sibuk jadi panitia main ball tujuhbelasan di kacamatan.”

“Nah lih, kayapa mun bulan September haja?”

“Jangan. Di bulan September kaina aku cagaran umpat pandidikan kanaikan jabatan minijir, kayapa mun bulan Uktubur haja?”

“Jangan, Ka ae. Sabab bulan Uktobur tu pian masih ada di Rumah Sakit imbah kana gigir utak?”

“Jah, di mana pian tahu ding?”

“Ni pang, satumat lagi kapala pian kucatuk wan kursi ne!” TAPUKKKK, batis kursi mandabuk di kapala Wanbuy.

“Tiwas lelet bangat pang,” jar Su Inur pina manyanyarik.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s