MANAHANI KANTUT


MANAHANI KANTUT
Oleh: Pambakal Sambang Lihum

Takisah Utuh Ujai nang hanyar kawin wan Acil Enor. Utuh Ujai ne handak mambari kajutan (jar urang tu surprise) wan bininya. “Yang, kita tulakan yu, tapi ikam tutupi dahulu mata ikam wan sapu tangan!”

“Jah, kanapa maka ditutup, ka?” jer nang bini.

“Ulun ada sasuatu gasan pian,” jer Utuh.

Lalu kaduanya barangkat umpat taksi ka wadah nang handak dituntii. Imbah sampai, Utuh mairit bininya masuk ka rumah hanyar nang ditukarinya sumalam. Sakalinya Utuh ne handak mambari kajutan gasan bininya, yaitu manukarakan rumah hanyar.

Sampai di dalam rumah, Utuh ne masih kada mambariakan bininya mambuka tutup mata. Imbah duduk di kursi, nang bini ne handak bakantut, tapi supan wan nang laki. Lalu pupura minta tulungi, “Ka, ulahakan ulun banyu minum pang!”

Lalu Utuh maambilakan bininya banyu ka dapur. Rahatan lakinya maambil banyu, nang bini ne bakantut, “TUUUUUUUUUUT….”
Imbah datang Utuh ne meambilakan banyu, sakalinya handak bakantut pulang nang bini ne. Tapaksa baalasan pulang, “Napa ka, maka banyunya kada manis?”

Tapaksa Utuh manambahi gula ka dapur, nang bini bakantut pulang, “TUUUUUUUUUT…”

Kada lawas datang pulang Utuh mambawakan bininya banyu nang sudah ditambahi gula. Tapi napakah, bininya handak pulang bakantut. Tuhuk bininya bapikir mancari akal, lalu baucap, “Ka, ambilakan banyu putih pulang, parut ulun asa kada nyaman nah,” jer nang bini.

Tapaksa pulang ae Utuh meambilakan. Rahatan Utuh meambil banyu, nang bini bakantut sing nyaringan, tanyaring pada tadi. “TUUUUUUUUUUTTTTDDDDDDD….”

Ahirnya nang bini ne asa lega imbah mangaluarakan kantut tadi. Pas Utuh datang, lalu Utuh mambuka tutup mata nang bini. Asa marigap hati nang bini, urang banyak sakulilingan rahatan rami baampik. Maka mintuhanya ada juwa. Langkap tu pang kaluarganya. Supan banar nang bini, tatunduk. “Ding ulun manukar rumah ne gasan kita,” jar Utuh. “Napa maka ikam batunduk tarus?”

Lalu nang bini maangkat muha sambil batakun wan mintuhanya, “Lawas kah sudah, Bah-Ma, pian di sini?”

Takurihing mintuhanya sambil manjawap, “Lawas ae sudah, matan rahatan kam bakantut nang pamulaan tadi.”

21 thoughts on “MANAHANI KANTUT

  1. wkkwkwkwkkkkkwkkwkkkk…..
    nee kesah…maulah ku sakit parut..tatawa…sampai..kakanakan di kantor sedikit bingung melihat ulun tatawa sorang…tarima kasih atas kesahnya mangurangi satres …salam gasan pambakal

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s