Pangeran Suriansyah

Pangeran Suriansyah
Cipt. H. Anang Ardiansyah

H. Anang Ardiansyah (Beliau banyak baulah lagu-lagu batema banua kita, Banjar)

(*)
Pangeran, pangeran
Bangaran Raja Buana, ahli waris Karajaan Daha
Dibuang paman, Aria Batahta
Ka Balandean wadah pambukahannya
Di Kampung Kuin diangkat jadi raja
Pangeran Suriansyah itu galarnya

(#)
‘Mun bulan kadap sidin manyarang
Paman Tamanggung kuat babanaran
Sungai Kuin dipagar carucukan
Kampung Carucuk dibari ngaran

Patih Masih lalu pang baucap
Wan Sultan Damak batatulungan
Sultan Manulung baparjanjian
‘Mun Banjar manang masuk Islam

(#)
Kembali ke : (*)

Paman Tamanggung kalah sabakas
Lalu dibagi tanah wan watas
Pangeran ba-islam sabubuhan
Sultan Suriansyah bangaran

Paman ba-islam nang panambayan
Di Kampung Kuin ba’ulah masigit
di situ jua sidin bamakam
Damintu kisah Banjarmasin

Kembali ke : (*), ditambah
Kisah pang pagat, habis carita
Kisah Banjarmasin kota barnama

Iklan

MANDISIR

MANDISIR

Oleh: Hasmi Yudhi

Sudah jadi kabiasaan si Utuh Pacul guring malandau. Napa mun satiap malam gawiannya bagadang dimuka gang sambil main dom, sampai liwir talinga digantungi batu baterai. Napakah hari itu, si Utuh Pacul tabangun sungsung banar. Hari masih kadap, badadas inya ka dapur sambil palingas-palingas mata balilihat.

“Uii umanya! Di mana ikam?” Si Utuh Pacul mangiyau nang bini. Kadada jua sahutan dari nang bini. Batarus inya mancari ka balakang, pas sakalinya nang bini lagi bakamih di pajijipan, tabarungan di bawah pajijipan ada hatap. Lalu bunyinya mandisir nang kaya urang lagi manyanga guguduh.

“Bah, umanya ngangini kah sakalinya bakamih, kukira tadi lagi manyanga guguduh tiwadak kah. Napa mandisir nang kaya lagi manyanga guguduh”, tapaksa babulik pulang si Utuh Pacul tadi kakalambu, haharapan mamakan guguduh, sakalinya nang bini wara bakamih kadadarasan sampai bunyinya mandisir.

Dalam hatinya basuara, “Mun suaranya sampai mandisir tu, baarti masih rampit haja tu!”

hehehehehe…..

Kongres Budaya Banjar II

Kongres Budaya Banjar II

Kongres Budaya Banjar II

Tema : Manahapi Kebudayaan Banjar Gasan Sasangga Banua
Jadwal kegiatan :

Minggu, 4 April :
Baarak Budaya Banjar dan Prosesi Pembukaan
(Depan Mahligai Pancasila sampai ke depan gubernuran)

4 s.d. 7 April :
Pemeran Benda Bersejarah, Seni, Kerajinan, dan Kuliner Banjar
Karasminan Seni dan Budaya (20.00 s.d 23.00)
(Gedung Sultan Suriansyah dan Taman Budaya)

5 s.d. 7 April :
Diskusi Budaya
(Hotel Banjarmasin Internasional)

Rabu, 7 April :
Launching album Lagu Banjar Band Radja
Pentas Opera Van Banjar (Malam Penutupan)
(Gedung Sultan Suriansyah)

Penyelenggara :
Dinas Pemuda, Olahraga, Kebudayaan, dan Pariwisata
Provinsi Kalimantan Selatan
Tahun 2010

Takajut Rami

Takajut Rami
Cipt. Nanang Irwan

Kisah takajut rami
Nang baduit pastilah di muka
Tunjuk sini wan sana
Lantaran inya banyak baduit
Salagi anum bagawi
Siang malamnya dianggap sama
Sudah tuha baharta
Arti rami hanyar tahu jua
Sidin takajut rami
Pabila jua ada ampihnya
Amun sudah raminya
Kada ingat ‘pa-apa
Lawan siapa haja
Kadada gairnya
Jalan ada pagatnya
Hidup ada matinya
Mangira banyak baharta
Kawa nukar pahala
Amun sudah takajut rami
Kada ingat di apa-apa
Amun sudah takajut rami
Awak tuha anum pangrasa
Salagi anum bagawi
Siang malam dianggap sama
Sudah tuha baharta
Arti rami hanyar tahu jua

Talambat Badatang

Talambat Badatang
Cipt. Syarifuddin, MS

Sudah lawas ulun manukuy
Ading nang bungas di Sungai Mesa
Urangnya langkar harat di dapur
Kada rigi nang ba urun-urun
Umay lakasi ulun maraakan
Damini jua dipasanakan
Biar pang tahu pian badatang
Balambat-lambat dahulu urang
Umay-umay purunnya hati
Pian badatang sudah batali
Riang-riang di ulu hati
Diharap-harap kada pang jadi 2x

Tanah Bumbu

Tanah Bumbu
Cipt. Nanang Irwan

Hambur dadak hari kadap
Tarang maharap bulan
Barkat rakyat wan mufakat
Hajatnya kasampaian
Ulun, pian, kita
Pasti umpat nyaman
Tanah Bumbu jadi
Indungnya kampung kita
“Bersujud”
Jadi samboyannya
Ampun ulun ampun pian
Ampun kita barataan
Kabupaten Tanah Bumbu
Diatur tata batata
Aman diharap
Kawa diharap
Bapasrah tasarah haja
Ranai kadada untungnya
Barasih syukur
Jujur lawan damai
Samboyannya Tanah Bumbu
Kita ambil maknanya
Badadas baimbai bagawi
Jangan mahambur hiri
Tanah Bumbu sudah badiri
Alhamdulillahi syukuri