Tatangis

Tatangis
Cipt. Hamiedan AC

Tatangis, aku tatangis
Mangganang masa silam,
masa nang silam
Aduhai nang kaya duri
di dalam badan
Lantaran cinta diriku nang kaya ini
Nang kaya ini, siang rindang, malam dandam Kurindang dandam
Aduhai…badanku ini, hancur di dalam
( * )
Saputih banyu susu
Semanis madu
Nang disurung wan aku
Ai wayah dahulu
Saban kali batamu
Sanang hatiku
Riwayat bahagia
Kadada bandingnya
Rasa takibar sumangat
Lamun baduaan
Manggitir sukma ragaku
Dipaluk dirayu
Tatangis, aku tatangis
Bayangan masa silam
tatap kuganang
Aduhai… selama hayat
dikandung badan

Tatarang Upih

Tatarang Upih
Cipt. Nanang Irwan

Haaa haa ha
Haaa haa wan
Haaa haa wan
Mangangan santan
Campur sulur kaladi
Jangan harap hidup nyaman
Amun kulir bagawi
Pina cakah pina musti
Kada kawa disaingi
Haaa haa wan
Haaa haa wan
Amun sakadar tangan
Urak kita mambawa
Kadada labihnya
Mayu gasan makan haja
Kadada kabisaan
Umpat laju balangsam jua
Kada hingkat kada badaya
Awak tuha timbul sasalnya
Huuuuuiiii a huy
Huuuuuiiii a huy
Ingat abah bapasan
Jangan sawat hilang
Ingat uma bapasan
Lantaran sidin sayang
Sakulah pang nak, sakulah
Ujar patuahnya
Manulis lancar mambaca
Gasan ikam jua
Sakulah pang nak, sakulah
Ujar patuahnya
tatarang upih umpama
Tapakai jua
Haaa a a a wan
Haaa a a a wan
Madihin asal lagunya
Ciri bahari dibuang kada
tatarang upih judulnya
Ampun maaf kakurangannya
Madihin asal lagunya
Bahasa Banjar panyampaiannya

Tirik Japin

Tirik Japin
Cipt. NN

Jurang mana kaai, jurang papari
ri…jurang marakit
Wayah ini kadangan mayang
Yulan ya lalin wayah ini kadangan mayang
Urang mana kaai datang kamari
ri…hatiku sakit wayah ini tabalik sanang
yulan ya lalin wayah ini tabalik sanang

Sungai Rutas kaai jambatan rangka
ka….di tarusakan ka Margasari
Kada ‘ku sangka bungas langkar kada ‘ku sangka
ka….nang bungas langkar datang kamari

Tabu salah tabu salah batang kasumba
Ba…larut di banyu putih
kuning batang gumbili yulan ya lalin putih
kuning batang gumbili kada tasalah putih
kuning kam marawa
ubat di hati
yulan ya lalin ubat di hati

Reff :

DAPAT SAPULUH

DAPAT SAPULUH
Oleh: Roni Race Batola

Bulik sakulah si Adum nang hanyar masuk SD, kahimungan sambil kuriak-kuriak. “Maa! Maa! Maa! Ulun dapat sapuluh!” Sambil manatingakan buku lawan mamanya nang rahatan dudukan marumpi wan tatangga di palataran.

“Pintar! Itu baru anak mama, siapa dulu mamanya?” Sambil baagak wan tatangganya. “Kakawanan kam pang dapat barapa jua?” Ujar mamanya Adum batakun.

“Kawanan ulun ma ai, ada nang dapat 70 ada nang dapat 80.”

“Jiah, mun kaya itu baarti ikam ni dapat satu ngarannya, pintarai!” Sambil manarik anak sidin ka dalam rumah (Supan wan nang lain).

Hikhikhik

Salisih Sadikit

SALISIH SADIKIT
Oleh: Roni Race, Batola

Amang Adum katuju banar mamuji-muji anak, “Anakku nang hanyar masuk SD ngitu pintar banar bahitung, takuni haja kalian dua kah tiga kah, bisa tarus kaya kalkulatur pang utaknya!” Ujar Amang Adum baagak wan buhannya di warung.

Kada lawas datang anak sidin nang dipuji puji tadi.”Ayu siapa handak batakun, tu anakku nang pintar datang sakolah sudah!”

Lalu batakunai Amang Idar, “Tuhalus, 2×3 barapa?”

“Lima” ujar Tuhalus anak Amang Adum manyahut.

“Hann!!” Jar Amang Adum, “Salisih sadikit haja kalu?”

hikhikhik

Uma Abah

Uma Abah
H. Anang Ardiansyah

1.
Hari panas manggantang
Matahari manggantang panasnya manggantang
Rasa rakai tulang iga sampai ka pinggang
mangilik nanang, galuh caramin matanya
Uma batulak, mancariakan rajakinya

2.
Guntur kilat basambung
Ujan labat arus daras wan galumbangnya
Awak basah kadinginan di tangah sungai
Abah malunta, baluman tantu pakulihnya
Abah batulak, mancariakan rajakinya

3.
Uma, ‘mun bulih sakit uma kugantiakan
lawan sagala pahalaku
Abah, ‘mun bulih paluh abah kugantiakan
lawan sagala amalku
Uma Ratu’ai
Abah Raja’ai

4.
Ya Allah Ya Robbi
Kucium batis uma nang manyayangi
Kucium tangan abah nang malindungi
Ampuniakan dosa uma wan abahku
Ampuniakan dosa uma wan abahku

(*)
Kembali ke no.3
selanjutnya

5.
Allahumma Allah
Robbighfirli wali waa lidayya 2 x
Ampuniakan dosa uma wan abahku 2 x



Umpat Bis Bintang Mas

Umpat Bis Bintang Mas
cipt. Anang ardiansyah

Umpat bis Bintang Mas tumat Panajam
Handak banar bulik, bulik ka Banjar
Di ujung puasa, parak Hari Raya

Umpat bis Bintang Mas banaran laju
Tapi rasa gamat lakasi sampai
Maras anak bini sudah mahadangi

Jalan babatu batu hati sakaras batu
Lamun sudah liwat Tanjung
Lawang rumah sudah tabayang
Sayang…

Umpat bis Bintang Mas ligar baduduk
Singgah di Kandangan manukar dodol
Singgah di Binuang bungkusakan rimpi pisang