MAUNJUN DI TAMBAK PAK KANING

MAUNJUN DI TAMBAK PAK KANING
Oleh: Marfaie Arfa Dinata Putra, Amuntai

Takisah buhannya, Isul wan Undul ne handak maunjun ka tambaknya pak KANING. Singkat kisah singkat tali salawar, sasampainya di tambak buhanya ne takajut malihat ada palang babacaan paringatan, “DILARANG MAUNJUN DI SINI!” Mandam Isul ne tapandir, “Bah, iya am dah! Kaya apa kita ne Ndul?” Baca lebih lanjut

Adegan Napa Yu?

Adegan Napa Yu?
Oleh: Marfaie Arfa Dinata Putra, Amuntai

Takisah Undul wan Isul nang lagi duduk di babangkuan sambil bakikisahan. Rame banar badua ne barucau pander, bakisahan, wan batatangguhan. Maklum Undul ne lawas banar madam ka banua urang.

“Aku handak manangguhi ikam,” jar Undul, “Di atas paha kanan diandak pinggangnya, katiak kanan mangapit buritnya, tangan nang kiwa mamingkuti gulunya, wan jari-jari tangan kanan mangatik-ngatik di atas luangnya. Babahanu muntung maisap-isap sasuatu. Hayuuu, nagapa yu?” Baca lebih lanjut

Mintuha Aluh Karamunting Salah Sangka

Mintuha Aluh Karamunting Salah Sangka
Oleh: Adum M. Sahriadi

Takisah Utuh Hirman nang hanyar kawin lawan Aluh Karamunting. Rahatan malam panambayan, buhannya badua ne kada langsung bakikukan pang, tapi makan bakso di dalam kamar. Nang mintuha Aluh, umanya Utuh Hirman nang lawas banar handak baisian cucu mandangari matan luar kamar, nangapa digawi buhannya malam ne. Baca lebih lanjut

WANBUY HANDAK MINTA NAIK GAJIH

WANBUY HANDAK MINTA NAIK GAJIH
Oleh: Adum M. Sahriadi

Wanbuy ne bagawi di parusahaan sawit. Pas rahatan banyak kaparluan Wanbuy ne kadada akal lagi handak bacari duit. Paribasanya biar disuruh urang manjapai tahi lancung gin hakun, asal jadi duit. Jadi jar Pambakal, “Cubai pang Buy, kam bapadah wan bos kam di parusahaan minta naikkan gajih, kam pagawai lawas juwa kalu!” Baca lebih lanjut

MACAN UMPUNG

MACAN UMPUNG
Oleh: Sahibul Apam, Kalua

Pamulaan kesah, bahari hidup saurang nang jagau, alias taguh alias wani, alias jagawan, tahan timpas tahan singsu wll. Ngaran baliau adalah Utuh Hirman. Sidin ne bagawi pangayuan atawa binsau, atawa tukang tabang kayu di hutan. Suatu hari Utuh Hirman bakalahi wan buhan pangayuan nang lain. Mulai subuh sampai kamarian, kada bakalahan, katalahannya pingsut wara ai lagi. Imbah pingsut pas manang jua Utuh Hirman, tapi gigi sidin tinggal 2 bilah ja lagi gara-gara kana timpas. Luka maka kada. Baca lebih lanjut

BAANAK KAMBING

BAANAK KAMBING
Oleh: Adum M. Sahriadi

Takisah Anyut Jagau nang hanyar nikah wan Diang Udah. Imbah nikah lalu bulik ae si Anyut Jagau ne ka rumah. Dasar takdir juwa, di tangah jalan inya tarumpak bini parwira polisi sampai mati. Dimapa pang lagi, tapaksa Anyut Jagau ne disidang ka pangadilan, ahirnya di panjara salawas 7 tahun.

Singkat kisah, si Anyut Jagau ne sudah 7 tahun mandiami panjara. Salawas di panjara, gawian Anyut ne mahayal tarus sampai bacaluk tangan ka dalam salawar, manggaru ulin. Inya handak banar ‘bakikukan’ lawan bininya nang kada suah sama sakali digawinya. Hari itu inya kaluar pada panjara, langsung bulik ka rumah handak tahu kayapa habar bininya nang ditinggalakan salawas 7 tahun. Himung banar inya malihat nang bini satia banar mahadangi. Tapi dasar nasip juwa, nang bini rahatan bacoret habang, “Maap ae bang lah, landasan lagi becek nah, pasawat kada kawa mandarat malam ne,” jar nang bini. Baca lebih lanjut

Nang Putihkah, Nang Hirangkah? (Serial Utuh Ujai)

Nang Putihkah, Nang Hirangkah? (Serial Utuh Ujai)
Oleh: Pambakal Jingah Rabit

Utuh Ujai ne beisi pusaran rambut di kapala dua buting, jadi jar Utuh Hirman, “Malihat pusaran rambut ikam tu, ikam cucuk maharagu kambing atawa biri-biri.” Imbah tu Utuh Hirman langsung ka pasar binatang manukar biri-biri dua ikung sagan diharagu Utuh Ujai. Balang nang laki hirang, nang bini putih. Utuh Ujai saurang himung banar bagaduh biri-biri. Sasain lawas, biri-biri Utuh Ujai ne batambah banyak. Singkat kisah, talu tahun baharagu biri-biri parak ratusan ikung si utuh beisi. Nang haratnya, biri-biri utuh ne dua ja balangnya, hirang wan putih. Tiap tahun inya bajual bulunya ka parusahaan banang ampun Haji Biju di pasar Tanjung. Baca lebih lanjut