Update Kisah Banjar Oleh TIM Admin Banua Hujung Tanah

582661_443078612384556_100000472630907_1727074_1046350110_n

Oleh: TIM Admin Banua Hujung Tanah

Jar Utuh, “Napa Lak rahasianya supaya anak putih-putih kaya anak pian tu?”

Lalu jar Julak Hadran, “Gampang haja Tuh’ ae. Mun handak kaetu, masuknya saparu haja Tuh’ ae,” sambil kada tahu-tahu muha mamadahi si Utuh.

“Oh kaina ae dicoba,” jar Utuh.

Singkat kisah sudah 3 hari Utuh ne mancoba’i resep Julak Hadran. Rupanya nang bini curiga lawan si Utuh pada pina lain kaya biasanya.

Pas rahatan mancoba pulang, Utuh lagi asik-asiknya, “Plaaakkk!!!!!” ditapak nang bini burit si Utuh, ahirnya tamasuk ae barata’an, lalu kada sadar si Utuh ba’ucap, “Hiraaaaaangggg Pulaaaang!!!!!!!!!”

 

Bini Utuh,,,????????

—————-
[malam minggu imis]

jomblo itu indah…ujjaahh

#duduk tasandar dihiga gardu,cilit-cilit ha mata maitihi urang bapacaran..nasrib-nasrib….hehee

salamat bamalam mingguan haja barataan lah
BHT/03

———
Say, capati ka sini! Di rumah kdd urang | Ok, sip! *smpai rumah* Kam di mana say? Kok kadaan di rumah? | Iya kalo? Di rumah kadada orangnya.

Baca lebih lanjut

Iklan

Kacambah Utuh Ujai

Kacambah Utuh Ujai
Oleh: Pambakal Sambang Lihum

Rahatan kamarian Utuh Ujai ne bulik matan pasar Amuntai. Inya manukar kacang hijau satangah kilu gasan diulah bubur kacang di rumah. Sakali sampai di rumah, dilihatinya hibak samut kacangnya tadi. Tapaksa ditampinya di dalam nyiru kacang ne. Napakah waktu itu talinga Utuh ne asa gatal banar, langsung ae digarunya. Kada sangaja di tangannya masih ada kacang hijau ne, langsung tamasuk ka dalam lubang talinga.

Imbah kadada akal lagi mangaluarkan, tapaksa ae ka wadah Duktur Apam nang kabalujuran ahli pananamba panyakit talinga. “Haw, napa habar sanak pina tangan ka talinga tarus?” jar duktur ne asa bingung malihat Utuh Ujai. Baca lebih lanjut

MANAHANI KANTUT

MANAHANI KANTUT
Oleh: Pambakal Sambang Lihum

Takisah Utuh Ujai nang hanyar kawin wan Acil Enor. Utuh Ujai ne handak mambari kajutan (jar urang tu surprise) wan bininya. “Yang, kita tulakan yu, tapi ikam tutupi dahulu mata ikam wan sapu tangan!”

“Jah, kanapa maka ditutup, ka?” jer nang bini.

“Ulun ada sasuatu gasan pian,” jer Utuh.

Lalu kaduanya barangkat umpat taksi ka wadah nang handak dituntii. Imbah sampai, Utuh mairit bininya masuk ka rumah hanyar nang ditukarinya sumalam. Sakalinya Utuh ne handak mambari kajutan gasan bininya, yaitu manukarakan rumah hanyar. Baca lebih lanjut

Kisah Jin Butul

Kisah Jin Butul
Oleh: Pambakal Sambang Lihum

Takisah Amang Ijun bos sarang burung di daerah Palangkaraya. Bangaran Amang Ijun ne urangnya sugih, jadi rahatan hari Ahad pasti dah inya tulak rekreasi maisi hari parainya. Pukuknya dua juwa, mun kada manimbak burung, bearti maunjun di danau nang taparak rumahnya.

Hari itu Amang Ijun maunjun di danau, rahatan asik mangayuh jukung, inya malihat ada butul nang timbul. Tutupannya pisit banar, hibak wan rajahan nang kada dimangarti Amang ne. Bangaran pina panasaran, lalu Amang Ijun ne meambil tang nang dibawanya bila tulak maunjun. Dibukanya tutup butul tu, sakalinya kaluar palak nang kaya di pilim-pilim Aladin. Palak tadi baubah jadi jin nang pina tabal sisingut wan mambaritakutan siapa nang malihat. Baca lebih lanjut

Ebook Negeri Sambang Lihum Vol.4

TUNGKARAN

Ebook NSL Vol.4 SERIAL UTUH UJAI

Sakit kapala ada tatambanya. Sakit gigi ada ubatnya. Bapanau, kasai wan laus. Bakurap, kasai wan salap. Tapi mun kapala pusang batatarusan, sabuting juwa tatambanya, bawa tatawa! Nah, kaitu pang motto bubuhan Negeri Sambang Lihum ne, “Jangan Marangut, Bawa Takurihing Haja.”

Hari ne, Arba tanggal sablas dua ribu sablas, kami kawa pulang maulah ebook nang kaampat. Judulnya SERIAL UTUH UJAI.

Ulun salaku pambakalnya, maucapakan tarimakasih nang kada baampihan wan kakawanan sunyaan, khususnya bubuhan admin NSL, wan bubuhan kontributur NSL barataan, nang hakun beulah status di halaman FB NSL wan mambarikan samangat nang kada bapagatan wan ulun, sampai ebook ne kaluar pulang.

Kada manutup kamungkinan pang, mun ebook ne sabagiannya marupakan tarjamahan kisah matan banua lain. Masih banyak lagi kisah nang balum dikaluarakan, kena kita ulah ebook vol. 5 pulang.

Pambakal Sambang Lihum

DOWNLOAD

DOWNLOAD Ebook vol.1-4

Ebook Bubuhan Jingah Rabit Vol.3

Sakapur Sirih Matan Admin
Bubuhan Jingah Rabit

Ebook BJR V.3

Nangkaya biasanya, bila handak baulah kata pangantar, pasti dah takang utak. Jadi ibarat jalan tu, jalan buntu. Tapaksa ae dikawani sabungkus ruku LA wan 2 cangkir kopi mik, nintu gin kada cukup, hanyar saparu manulis tapaksa balalah dahulu ka warung Acil Enor mancari inspirasi nangapa nang handak ditulis. Padahal kada banyak kada, cuma kata pangantar.

Takang nang kadua, sakali handak mauplud ka ziddu, pas gangguan. Lawas banar macubai, kada mau juwa. Sakali dicek, pas pulsanya nang habis, labaram. Maklum di kampung, kada kawa nangkaya urang langsung ka warnet, tapaksa kujuk-kujuk mancari urang bajual pulsa. Untung nang bajual bungas urangnya, kurihingnya gin maulah kaganangan saminggu.

Ahirnya kadada ucapan lagi nah, selain Alhamdulillah. Grup Bubuhan Jingah Rabit nang baubah ngaran manjadi Negeri Sambang Lihum kawa pulang maulah 2 buah ebook hanyar. Nang naya bajudul Serial Utuh Palilak, nang ditulis ulih dangsanak kita Datu Panglima Alai, Barabai. Ebook ne baisi kisah 18 buah, nang isinya marupakan kritik sosial nang disampaiakan liwat tukuh utamanya UTUH PALILAK. Jadi ini ebook vulume 3. Ebook vulume 4 nya bajudul Serial Utuh Ujai.

Diaku nang disarahi tugas tukang pos kisah di grup Bubuhan Jingah Rabit, maucapakan tarimakasih nang kada tahingga atas dukungan kakawanan nang sama-sama baisi ambisi hagan maangkat budaya Banjar malalui kisah. Jangan sampai budaya Banjar hilang di bumi ujar urang bahari.

Juwa, kada manutup kamungkinan dalam kisah naya ada nang manyinggung sabagian kakawanan, sacara pribadi admin muhun maaf wan minta rila saganal langit wan bumi.

Bahasa nang digunakan juwa masih bacampur wan bahasa Indunesia, maklum adminnya banyak kada paham bahasa urang bahari, jadi sambil balajar ae.

Kadada lagi nah nang parlu dipanderakan salain kata “salamat mambaca” haja. Wan juwa tunggu kehadiran kisah salanjutnya nang bajudul Serial Utuh Ujai.

Salam Hurmat wan Barilaan,

Pambakal Jingah Rabit

DOWNLOAD

KANTUT BABAU SATE

KANTUT BABAU SATE
Oleh: -Tuan Muda Busu Wahyu

Dipos Utuh Ujai wan Utuh Kumandrah bapanderan. “Kada karasaan sahari lagi hari raya,” jar Utuh Kamandrah.

“He eh,” jar Ujai.

“Ikam barapa hari kurang?” jar Utuh Kumandrah. “Mun aku sahari haja puasa.”

“Umai,” jar Ujai, “Mun aku tanaik pada tahun dahulu.” Baca lebih lanjut