Kumpulan Status Halaman Facebook Banua Hujung Tanah Bag. 2

Kumpulan Status Halaman Facebook Banua Hujung Tanah Bag. 2

Balangkasua

Pesta Pantul Bubuhan Banua Hujung Tanah

Ulahakan kupi jar Ujai bepadah wan bininya. Kadada gulanya, pian handak kupi pahit kah?

Nah am, makanya nintu fungsinya DIMADUI, maubah nang pahit jadi manis (jer Ujai sambil malirik wan nang bini)

TAPAU … nang bini manapak sing gancangan. Masih handak nang manis kah?

Kada kada…, jar Ujai sambil bauling-uling kapala.

Kenapa hayam munnya bakungkuak matanya takijim??
*Sidin sudah hafal teks nya… :D/

Hasil Panalitian BHT malihat gawian urang matan kantutnya:
1.Urang kada jujur: mun bakantut pasti dah disalahakan kakawanan.
2.Urang pamalar (ambalar): kantut cuma sadikit wan suaranya gamat.
3.Urang sumbung: kantutnya dinyaring-nyaringakan.
4.Urang ambungan: bila urg bakantut, inya bakantut juwa.
5.Urang panyial: Urang lain bakantut, inya nang disalahkan.
6.Urang sakti: kantut kada babunyi, baunya bilang liwar banar, pigsan saruangan.
7.Urang boros: bila bakantut kada mau sakali haja.

Ujai takajut imbah ditangkap pulisi lalu inya prutis, “Kanapa pang Pa maka ulun ditangkap, Ulun bahilim haja, STNK wan SIM ada haja juwa?”
Jadi jar pulisi, “Aku ne heran haja, ikam bahilim, baSTNK, wan baSIM ada haja beisi, tapi kanapa ikam bajalan batis kada basapida mutur. Baca lebih lanjut

Iklan

Kumpulan Status Halaman Facebook Banua Hujung Tanah Bag. I

Kumpulan Status Halaman Facebook Banua Hujung Tanah Bag. I

Pesta Pantul Bubuhan Banua Hujung Tanah

Ujai umpat begawi wan Amang John.
Amang John : Ikam kupecat!
Ujai : Jah Bos, ulun kada melakukan apa-apa! Kanapa dipecat?
Amang John: nintu pang sababnya jadi kam kuupecat.

Kapalanya habang, awaknya hijau, umurnya kada sampai sahari, bajalan baundur, mambuang sampah sapanjangan jalan, napa yu?

Jawapan: Obat Nyamuk Baygon

Ujai betakun wan bininya si Enor, “Kanapa ikam tolak lamaran duktur gigi tu wan anak kita si Atul?” Lalu si Enor manjawap, “Kada baik baminantu wan duktur gigi tu, sadikit haja bagoyang sudah dicabutnya!”

Berhentilah MENUNTUT ilmu, karena ilmu TIDAK BERSALAH… 😀

Takesah nene Odah nang rahatan puasa. Parahatan tangah hari sidin sakit kapala, lalu sidin minum ubat budrik tapi kalihatan nang cucu. Ae nene kada puasa kah? Jadi jar nang nene, nintu pang oke nya budrik cu ae, kawa diminum kabila haja!

Sambal apa yang banyak ditemui di pinggir jalan??
*Sambal ban 😀
Buah apa yang jago nyanyi??
*Lengkeng Park 😀 Baca lebih lanjut

UNDA ANAKNYA!

UNDA ANAKNYA
Oleh: Pambakal BHT

Utuh Ujai ne urangnya halus, tingginya paling samitir duapuluh. Takesah hari itu inya lalu di simpang ampat. Di situ ada kacalakaan, bangaran awak halus, inya kada kawa manarubus masuk handak malihat kayapa kurban ne mulai parak.

Dimapa akal, ahirnya inya kaganangan mizun di dalam tas. Lalu diminumnya nang kaya di spunsur TV. Imbah minum, harat banar sakalinya, inya dapat akal gasan manarubus. “Minggir-minggir sunyaan, Unda anaknya kurban, Unda anaknya nang tabrakan! Bari’i unda jalan!”

Bujur banar, sakalinya langsung tasilak jalan nang kaya kana hipnutis Utuh Ujai. “Dasar mantap mizun ne,” jer Utuh Ujai dalam hati.

Imbah sampai di tangah kajadian, tanganga Utuh Ujai. Inya kagum, rupanya nang kacalakaan tadi SAIKUNG ANAK WARIK nang hibak wan darah bakas tarumpak sapida mutur Susagap, waktu handak manyubarang.

Mari Bergabung di Banua Hujung Tanah

Tantara wan Pulisi Bakalahi, Satpam nang Manang

Tantara wan Pulisi Bakalahi, Satpam nang Manang
Oleh: Pambakal BHT

Takisah di muka Bank BRI, Su Ijak nang bagawi tantara wan Su Adul nang bagawi pulisi lagi bakalahi pandir. Buhannya badua ne bapakaian dinas langkap. Pukuknya liwar sasambatan, kada nyaman didangar. Pina bapanas sudah, lalu kaduanya tapaimbai mancabut pistol.

Balum sawat nang badua ne manimbak, kaluar satpam bank. Satpam ne bemamai kada baampihan lawan nang badua tadi. Urang-urang nang manonton pina takutan, kalo takana pilur sasat mun sawat batitimbakan. Tatap haja nang badua ne bakarasan kada baampihan. Rupanya satpam ne taumpat panas juwa, kada kawa manahan imusi. Langsung sidin manampar kaduanya. TAPAUUUU TAPAUUUUU. Langsung hinip badudua. Kaduanya ne manyimpani sinjata masing-masing ka dalam sarungnya, sambil batundukan haja. Kada lawas bajauhan pada tikapi.

Kabalujuran panuntun nang malihat kajadian tadi tabuat wartawan. Lalu wartawan ne baparak manakuni satpam tadi. “Ulun salut wan kawanian bapa, padahal buhannya tu tantara wan pulisi. Nangapa amalan pian maka wani wan buhannya tu?”

Pina santai ha satpam ne manjawap, “Buhannya badua tu anakku, matan halus sudah bakalahi kaetu, mun kada ditampar kada ampih inya bakalahi!”

Mari Bergabung di Banua Hujung Tanah

BATURAI PANTUN MALAM SANAYAN, 19 Juni 2011

BATURAI PANTUN MALAM SANAYAN, 19 Juni 2011
Diarsipkan Oleh: Pambakal Banua Hujung Tanah (BHT-01)

STATUS: (BHT-04-Tuan Muda Busu Wahyu)
Salam hangat haja nah barataan! Bapapantunankah kita pulang nah?

ASAM KUINI BUAH RAMBUTAN
BUAH MANGGIS IWAK SALUANG
ULUN KADA WANI WAN TAKUTAN
PIAN NANG MANIS DI AMBIL URANG

[Pambakal-BHT-01]:
Nyaman-nyaman iwak saluang
Dipatuk burung tarbang ka awan
Mun pian kada handak diambil urang
Lakasi badatang larangi jujuran

Fendinata Arya: Suasananya kampung banar nah, lanjutakan za, ulun umpat mandangarakan za!

[John Kenedy Bucek-BHT/02]:
Umpani banjur wan iwak saluang
mambajurnya di di palataran
dimapa akal handak lakas badatang
ulun masih pangangguran

Mayzatul Akmam:
Umpani banjur wan iwak saluang
Banjur dimakan iwak haruan
Amun handak lakas badatang
Minta ae duit awan kawitan Baca lebih lanjut

UMPAT BAKIRIM

UMPAT BAKIRIM
Oleh: Roni Race Batola

Takesah pangantin nang hanyar kawin. Buhannya badua ne handak manikmati nang jar urang malam pertama juwa. Nang bini ne urangnya pina kampungan wan panakutan banar. Inya kada wani manggawi bakikukan, marganya inya suah mandangar matan Su Enor kawannya nang mamadahakan pada sakit banar billa hahanyaran bakikukan, pukuknya sakit pada urang handak baranak.

Makanya pas malam partama, nang laki ne gagal ‘belah duren’. Malam kadua gagal pulang, sampai samingguan tatap haja nang laki ne kada tarasa’i. Imbah malam barikutnya, kanapakah nang bini ne bangun kaluar pada kalambu. Lalu jar nang laki betakun, “Handak ka mana ikam ding?”

“Handak ka WC, bakamih ka ae,” jer nang bini manyahuti. Baca lebih lanjut

MAMBARI HARAPAN

MAMBARI HARAPAN
Oleh: Roni Race Batola

Si Julak Ibas naik mutur L300 matan Amuntai handak ka Martapura. Inya duduk
batatai wan babinian anum, bungas langkar wan muntuk banar. Kabalujuran binian bungas tu mambawa anaknya nang hanyar baumur 10 bulanan wan masih manyusu.

Di tangah jalan kira-kira 5 manitan lagi binian tu handak manyusui anaknya, tapi pas handak menyusui, nang anak tu kada hakun manyusu. Balalu umanya nang bungas langkar tu bapandir, ”Lakasi sayang diisap susunya, mun kada hakun kena mama julung wan julak di higa ne nah!”

20 menit imbahnya nang anak ne tatap kada mau maisap susu umanya. Umanya mambisai pulang baasa, “Lakasi sayang diisap susunya, mun kada hakun bujuran mama bariakan wan julak nang di higa ne nah!”

Timbul bakajutan bapandir si Julak Ibas ne lawan umanya, “Bujur-bujur nah bapandir tu, jangan mambari harapan aku haja umanya ae. Tolong capati ikam ambil kaputusan, gasan aku ataw anakmu! Aku sudah jauh talimpua pada Martapura.”