Akar Alam
(Kota Banyu 1)
Ui…. Kapupurunan
Nangapa pulang nih
Datu Maratus pina basisigan kauyuhan manahani paluh
Sulahnya sasar balicin bakas dilahungi tarus
Rambutnya tabarubut bahamburan
Imbah ditabuk tarus, mancarii kupi panas
(“akar halalang kada pacang kawa sagan sasangga sisigan Maratus nang marista”)
tiwadak banyu, ulin, kayu bangkal wan taligantan
tabalik akarnya kada bahumbayang disipaki galidir wan satum
banyu tu katuju banar bajalanan ka randah
imbah tu baganaan di situ
manggandaki masigit, sakulahan wan rumah
banyu karuh di hujung mangguruh
hijau baubah kuning
sisingut panjang takurihing
ui….ruh ruh datu nang mangganai;
di buah tanah, di banyu, di puhun wan di langit
datu kuning, putih, habang wan hirang
lakasi kaluar, bawa kukuar
sambur
kariyau
tinjakiakan galidir wan satum nang kada tahu supan
kada tahu di basa
buhannya wani mahambur sarang kararawai, mahambur parang, mahanggus pemakan cucumu;
wani banar menarik saliting banua
sambur, kariyau, tinjakiakan: mun kada
jar Nini, “20 tahun lagi kita kada babanua, kadada lagi rumah di buah gunung. Samuaan rata jadi banyu”
samuaan jadi kisah wan garunuman burung anggang sagan anaknya
Kelua, 30 Januari 2004
banua hujung tanah 
Mantap…..
Terus berkreasi…
ok…………………
manG lajari Aq mapuisikan bahasa banjar..”(puisi dlm b. banjar)
Gimana ???
ada ngak aturan2 khusus dalam puisi banjar.???
Sama haja mang ae, cuma kata2nya haja nang pina bapilih supaya jgn jadi kata2 biasa
Aruh sastra kya apa manG..”?? pernah ikutLah?
Mun aQ tahu di Internet aJa panG acara nintu.”
acara nya gimana2nya ngak tau kya ap^_^
kaya acara biasa, cuma di sana nanti ada pembacaan puisi, cerpen, dialog sastra, dll. mun handak nyaman, kam datangi ja kena