KAYU PUTAR


KAYU PUTAR
Oleh: TumanggungArga Sandipa BatanggaAmas
(Admin Grup FB: BUBUHAN KULAAN URANG ALAI BORNEO)

Mandangar ngarannya ni tie pina anih pang lah, ‘Kayu Putar’. Kira-kira kita barataan ni tie mambayangakan nang kaya apa gerang bandanya ni tu. Napakah Kayu Putar ni tu kayu nang kawa baputar-putar serongan jadinya dingarani urang Kayu Putar. Panambayannya bingung jua mandangar ngarannya ni tu, lamun pas malihat bandanya sakalinya kayu biasa haja wan kada bisa baputar-putar nang kaya kita bayangakan.

Kayu Putar ni tie kadada bidanya wan kayu biasa, sama-sama tumatan batang atawa ranting puhun jua. Maskipun sama haja padatia kayu, lamun ada bidanya. Nang ngarannya kayu putar na ya di bagian luarnya ada samacam urat-urat kayunya nang kaluar wan malilit (mamutari) ka batang atawa ranting. Urat-urat kayu nin tu kaya sapiral lamun kada ba’aturan lilitannya. Lantaran nin tu lalu dingarani urang “Kayu Putar”.

Kada barataan batang atawa ranting nang ada urat-urat kayu nang baputar ni tu. Ukuran panjangnya gen macam-macam jua, ada nang panjangnya 1 – 2 m, ada jua nang 10 – 30 cm haja. Kada samunyaan puhun jua nang ada kaya itu, nang jalas munnya ada puhun nang urat-urat kayunya malilit batang atawa rantingnya, nintu lah Kayu Putar wan tamasuk puhun nang langka.

Lalu pang na pa apuah Kayu Putar ni tie..??
Padatuan kita bahari parcaya kalunya Kayu Putar ni tie bagus hagan “syarat” atawa “pagar” diri, rumah, warung, kantur, atawa kabun. Lantaran bila ada urang nang baniat jahat ka kita, ka rumah kita, ka warung kita, ka kabun kita atawa ka kantur kita, niat jahat urang ni tu kada pacangan sampai ka sasarannya lantaran taputar-putar tarus akhirnya kada tapat lagi sasarannya. Supaya Kayu Putar ni tu labih kuat lagi apuahnya, biasanya minta dirajahakan wan tuan guru atawa dibari mantra-matra.

Lamun, biar nang kaya apa haja ba’apuahnya samunyaan banda-banda, tanpa saijin Allah Ta’ala tatap kadada artinya jua.

Iklan

2 thoughts on “KAYU PUTAR

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s