Update Kisah Banjar Oleh TIM Admin Banua Hujung Tanah Vol.2 Thn 2012


Haratnya yat.._D

Oleh Admin Banua Hujung Tanah

——–

#mbeeee…eee…eemmmbeee…!!

suatu hari bos gatah nang bangaran imis handak ba’olah rumah hanyar lagi barunding wan kapala kuntraktur nang handak ma’olah’akan rumahnya..

“aku minta tolonglah,puhun nang di hujung sana tu jangan ditabang” ujar imis

“ohh..siiip pak..gampang” ujar kapala kuntraktur

“nah nang disana tu jua jangan ditabanglah?” ujar julak imis pulang

bingung kapala kuntraktur nih kanapa jadi jangan ditabang

” emangnya kenapa ya pak? ” jar kuntraktur

” nah punun nang di hujung sana,ngintu jadi saksi partama kalinya aku bacumbu wan inya” ujar imis

“ohh..mun nang pohon satunya pak?” jar kapala kontraktur nang masih bingung

” nah disitu,aku katahuan ulih mamanya” jar imis

” wahh…gawat tu pak..?? ” jar kapala kontraktur

” ahhh kadapapa..mamanya bapander sadikit haja pang? ” jar imis manyahuti

” ngomong apa ya pak? ” jar kapala kontarktur panasaran

” ujar mamanya : mbeeee…eee…eemmmbeee…!!” jar imis pina supan ha manyambat

kapala kontraktor : ….???????????

hehee..
BHT/03

 

——

Tips Aman Dalam Taksi Supaya Kada Terjadi Pelecehan Seksual

1. Jangan Maliat Akan Barang Berharga Kaya Paha,Belahan Dada wan Alat Kelamin

2.Jangan Guring Dalam Taksi Alangkah Baiknya Guring Di Rumah

3.Usaha Akan Ada Kawan Nang Mangawani Kacuali Mun Dasar Jumblu jar,,,

BHT/11

 

——–

ujar julak ijun bapantun :

lamun kita kataman martapura..
putik kambang andak didada..

lamun handak hidup bahagia..
syukuri haja napa nang ada..

#kipus-kipus muntung
BHT/03

 

——-

ding…uma’ay pina bahagia banar nah..adaapa geragan? | iya donggg..bahagian,maka malam tadi kitaaa…?? ihh cupan lun ka’ai.. | mun pian cupan manyambat cini nah A’a cium sakali..emmmmuach..

hahaa…salamat ba’isukan barataan lah?
BHT/03

 

——-

Siang tadi,ijun imbah bulik pada pahumaan malalui gardu pas malihat busu pina santai banar baduduk diatas kandaraan sambil bacaramin disapiun kandaraan..

“biar ikam bacaramin barapa kali kah sahari su’ai tatapai muha nang kaya itu jua” ujar ijun mahuluti

“jiaaahh,ikam kah jun sangka ku ti siapa kah bapander,ku sangka tadi hantu gardu’ai dah tadi” jar busu jua mambalas sambil manjapai ka hidung

“napagarang nang dicaramini,pina asyik banar nih?” jar ijun batakun
“ni pang nah,timbul adanya ha nah tahi lalat dihidung,aku takutan’ai kaluku dapat sial” jar busu
“nah amun masalah dapat sial wan kadanya tu aku kada tahu’am nah,tapi amun ujar irun..urang nang batahi lalat tu manggambarakan sifat urangnya” jar ijun

kada lawas datang si irun nang dipander’akan buhannya

“ nah napa ngaran ku disambat-sambat..masih ada hutang kah aku wan buhan ikam?” jar irun curiga
“hahaa..kada run’ai..ni nah busu di bahirai lalat di hidung,inya takutan kaluku dapat sial tarus” jar ijun manjalas’akan

“hi’ih run’ai,kaluku’ai aku dapat sial tarus..buktinya samalam aku hanyar haja pagat wan adah sintal” jar busu

“ngintu kada marga ikam batahi lalat dihidung pang su’ai..ngintu ngarannya liur adah tu masih baik” jar irun mahuluti sambil tatawa

“naran leh run urang batahi lalat tu sial? “ jar busu batakun pina panasaran tumatan tadi hudah

“sial atawa kadanya aku kada tahu jua,tapi manurut nang aku tahu..urang nang batahi lalat di atas bibir bararti urangnya pamandir,amun nang batahi lalat di talapak batis urangnya panjalan..” jar irun

“nah amunnya batahi lalat di hidung pang..!!! “ jar busu langsung manyambar pander

“mun urang batahi lalat dihidung tu barati urangnya baruntung su’ai” jar irun

ijun nang di higa busu tanganga mamikir’akan panderan irun “untungnya dimana lah?? “ jar dalam hatinya

“hah dimana untungnya run?” jar busu

“untungnya tu iya tahi lalat tu pang..cuba’akan ha amun tahi sapi nang dihidung ikam..mana bahinak ngalih, hidung basumpalan tahi sapi,,bapander ngalih..kada kawa malihat muha urang,napa tahi sapi malipak dihidung sing gonolan…hahahaaaa jar irun tatawa banar marasa manang

BHT/03

 

———

pas di babak finalnya batamuan master kampung subalah si udin afam wan masternya kampung banua hujung tanah ijun gagah..

rahatan di tangah-tangah parmainan..panonton kada nang sing bunyian..hinip barataan maitihi bubuhan master main..

10 manit hudah balalu,bubuhan master nih kalihatan bapikir banar

20 manit balalu..masih haja kadada nang bagaraknya bigi catur nih..rupanya hati-hati banar,kaluku tasalah jalan..

kada tarasa satangah jam,titikan paluh di kaning bubuhan master..panonton umpat jua tapaluh ma’itihi..

parak sa’jam..kakaya itu haja,lalu ada panonton nang ba’ucap..”lawasnya pang..!! ” takajut-kajut bubuhan master nih mandangar..maka parahatan kunsintrasi..

“siapa lagi jalan?” jar si udin afam master kampung subalah

“ayyyy..aku gin handak batakun kaya itu jua tadi” jar ijun gagah master kampung BHT jua..

“jiiiiiaahh…!!!! ” jar panonton tadi

BHT/03

 

——

# guring di hotel bintang 5

si ijun dapat rajaki nang kada disangka-sangka,inya dapat undian balibur ka luar negri..napada himung banar inya hintajul-hintajul dirumah

singkat kisah

jadi rahat asik manonton tipi dikamar hotel,takajut banar inya malihat tikus sing ganalan..(hotel bintang 5 napa ngini? jar dalam hati ijun)

lalu ma’angkat talipun’ai nang dihiga awak,handak mamadahi ka resepsiunis hotel,bahwa dikamarnya ada tikus,tapi inya sadikit bingung kayapa bahasanya..mana bahasa inggris babaya bisa..

” hallaw..ser..!! may nem is ijun,du yu nuw..? ” jar ijun

” hah..?? i dont know” jar resepsiunis hotel

bagaru kapala ijun,bacari akal

“mister..du yu now tom and jerry? jar ijun pulang

” yes,i know” jar resepsiunis hotel

“nahh…!!! jerry is here mister….!!!” jar ijun takuciak sambil ma’angkat batis,napa didatangi si jerry kabatis

BHT/03

 

——

Julak ian bepantun gasan acil atul:
Kabaya putih sulam barenda.
Dipakai akan ka anak raja.
Dasar putih hati adinda.
Handak lawan diri kakanda.
(BHT’02)

 

——-

# pagat tali salawar

pambakal adum mangiyawi bubuhan pamuda banua hujung tanah nang aktip baulahraga..rupanya ada partandingan main bal antar kampung subalah..

“ikam jun’ai,ulihnya talincah bukah laju..ikam ku jadi’akan panyarang,badua wan si irun..
nah mun ikam behady’ai jadi pamain balakang atawa bek,mangawal gawang nang dijaga ulih udin..ikam din’ai jadi ku suruh manjaga gawang,sabab awak ikam tinggi jadi nyaman manangkap bula..” ujar pambakal adum mancarucus bapander

rupanya marasa kada disambat,lalu baucap’ai busu ni..”ayy ulun pang jadi napa pambakal?”

” aa..aa..(sambil bagaru kapala) ulihnya ikam pa’urutan,ikam ku jadi’akan sabagai timm medis..” ujar pambakal

mandaraw urang kuciakan,sama-sama manjagaw’akan kampung masing-masing..rahatan manit partama kampung BHT banyak manyarang,tapi kadada nang kawa manggul’akan ka gawang musuh..sampai parak habis babak partama,tatinggal satu manit pas gawang kampung BHT kabubulan..

“sakor samantara dipimpin ulih kampung subalah sudara-sudari..” ujar kumintatur

singkat kisah

partandingan masuk kababak kadua..di situ buhan kampung BHT mulai manyarang lagi

bula disipak ulih behady sudara2,manuju kagawang kampung subalah,bula disambut ulih ijun..ijun mambari bula kapada irun..irun langsung manyipak..dan apa nang terjadiiiiiiiiiii..guuulllllllllllll….!!! jar kumintatur bakuciak di mic..

mandaraw urang kuciakan pulang..rupanya panas nih kampung subalah tadi,ulihnya sakor di imbang’akan kampung BHT..pas bula di bagi di tangah lapangan,langsung disipak panyarang kampung sabalah..maka gancang banar..

si ijun malihat sipakan nang karas tadi langsung mamasang ka awak..maka pas banar kana dibagian bawah..maka langsung siup..

bingung pambakal siapa nang mangganti ijun,maka pamain pas-pasannya ha pulang..

“su..ikam ganti’akan ijun lah..!! tapi pusisi ikam di bek ” jar pambakal
” ukiiiii…siiip pambakal’ai..” jar busu
rupanya gatal jua batis busu ni handak main..

bilang kada kasandangan busu manahan sarangan musuh..mahingal hinak tapi kawa haja masih bukah marabuti bula..

kada lawas marga kasana kamari, busu kauyuhan,lalu mamaraki si udin panjaga gawang

“napa ikam kasini,maju su..!! tu nah musuh kamari ” jar udin bakuciak

suuuu…!!! jagai…sasah suuuu..” jar pambakal jua bakuciak dihiga lapangan

tapi busu ni kada handak jua bagarak manyasahi..pas panyarang manyipak,masuk bula ka gawang udin..

mandaraw sapurtir kampung subalah bakuciakan..
kampung BHT kalah wan kampung subalah 2-1

” kayapa ikam su..musuh manyarang ikam badiam haja,kada dihadang-hadang” ujar pambakal manyanyarik

“kadanya kayaitu pang pambakal’ai,taditu tali salawar ulun pagat..amunnya ulun manyasahi,haraw tabalului salawar ulun,,maka ulun kada ingat basimpak ha pulang ” jar busu sambil mangingkuti salawarnya

salamat malam warga BHT barataan

BHT/03

 

———

Isi status amang ijun di fb lawan bahasa dayak kahayan, isi statusnya:
“Cintakuh dengam oy andi dia kilau bari je tau wayu basi, cintakuh dengam suci dia ulih nangkiri dengan ije kilo amas murni”
Artinya: Cinta ulun wan pian ding’ai kada kaya nasi nang bisa basi, cinta ulun wan pian suci kada kawa dihurupi wan sakilu amas murni… Akayah julak..(BHT’02)

 

 

——

# sup 1001 rasa
malam kaina saruan krumah pambakal adum,jgn kd dtg jar ijun mnyaruani buhan’x d gardu
sgkt kisah>>>mana nih ijun,parak batatangah jam d tunggui kd dtg jua,mka inya nang bjanji bkumpulan d gardu jr irun,kta tinggal’kn hj dah maraha situ jr busu
sasampai’x d rmh pmbkal urg hdah bsurungan makan,ayu lkasi masukan buhan’x d mkani nah jr pmbakal adum smbil mnyurungi..aku maniga kli tambh su’ai td jr irun haha sama’ai jua jr busu smbil mariga kakanyangan..

ay mana kwn ikm saikung’x jr pmbkl adum batakun,satumat lg dtg pmbkal’ai jr busu manangguhi sual’x ijun ni pasti dtg sabab’x ijun ni tmasuk ratik saruan jua.smbil basisimpun,kumpul’akn run sisa2 kuah urg tu wan nasi2’x jr busu
kda lwas dtg si ijun..nah pas bnr jun’ai ni sdh kmi siap’kn gsan ikam..umai baik bnr wan kwan nah jr ijun smbil mnyuap nasi..hah knyang bnr nah aku smpai btmbah nasi,tp npa lh rsa’x pina likat bnr kuah’x,mana asa ganyir2..jr ijun ayy kmi mkan td kdda’ai rasa ky itu,jr irun lihum
(03)

 

——-

#di hukum saumur hidup kah?

sapasang pangantin hanyar lagi basiap-siap manikmati malam pertama buhannya..ujar pangantin biniannya ” ka’ ulun ni masih bujang,jadi ulun kada tapi tahu masalah nang kaya ngini,kawa kah pian manjalasakan?” ujar sambil lihum

“sabujurnya sutil haja ding’ai” ujar pangantin lakiannya sambil malapas ka baju ” kita ibarat’akan haja nang kaya panjahat wan penjara..jadi ampun kaka jadi panjahatnya,ampun pian jadi panjaranya..” ujar pangantin lakiannya pulang manyambung pander

nah lalu’ai tarjadilah paristiwa “ranjang bergoyang” haha..

imbah tuntung paristiwa tadi..nang laki handak bapajam mata,rupanya mangantuk..babaya hanyut di gawil nang bini ” ka’ panjahatnya lapas” ujjaar..

lalu’ai nang lakini mamasuk’akan’ai ” panjahatnya” pulang ka panjara..ngarannya pangalaman partamanya..nang binian ni rupanya manikmati banar ..lalu handak tarus..jadi satiap “imbah” inya baucap tarus pada panjahatnya kaluar atawa lapas tumatan panjara..

kada kasandangan lagi rupanya pangantin nang lakian,sambil mahingal ha hinak..” ding panjahatnya dihukum saumur hidup kah? “

” hihihii..inggih ka’ai” ujar pangantin biniannya

BHT/03

 

——-

wahini jaman moderen,,napanya haja saraba canggih..wan jua urang wahini pina hudah jarang tadangar ada nang bakikiriman surat..tapi bagi ijun,bakikiriman surat tu ada rasa tersendiri..ujjaahh kaya itu pang bahasa indonesianya..haha

balum lagi mambaca isi suratnya,hanyar manarima suratnya hudah dagub-dagub dada..saking himungnya nih dikirimi pacar..apa lagi rahat mambuka amplupnya ada duit didalamnya..ckckck..

jadi hari itu ijun ni mangirimi surat kapacarnya nang isi suratnya bahasanya bacampur-campur tagas bisa jua babahasa indonesia..

isi :
sayang..aku handak mahabis’akan sisa hidupku ni hanya barsamamu
sayang aku rila jadi wadah gasan palampiasan luka hati pian..andaikan itu bisa mambuat pian tarsanyum..

hidup kita kan salalu barsama,walau dalam badai duka,atawa dalam hangatnya cinta..
satu hal nang kada kawa aku sanggupi,yaitu mun sampai aku kahilangan dirimu..

sayang…
cintaku kada manganal arti libur,sababnya cinta kita kada manganal kalender..

relaku jadi lilin mambakar diriku,gasan manarangi pian..
biar pian LAMAK tapi pian muat kok dihati ulun..hehee🙂

sayang…
sabalum janur kuning malingkar..tatap ku sasah walau sampai kapadang mahsyar..dan amun sampai janur kuning manjuntai,aku harap kita nang badua duduk batatai..

kayanya sampai disini hulu dinglah..surat tumatan kaka..surry banar amun bahasanya kada karuan..hehee

dari yang tersayang,yang selalu mancintaimu ada apanya..

TTD

ijun gagah

ckckck…adakah kira-kira yu nang masih basusuratan..???
BHT/03

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s