Anduk Tatinggal


Anduk Tatinggal
Oleh : Ian Gancank (NSL-06, Palangkaraya)

Julak Ibus ni ngarannya urang tuha leh, ingatan sidin ni mulai bakurang. Jadi satiap imbah mandi di batang, ada haja pakakas mandi nang tatinggal, udul lah, sikat gigi lah, gigi palsu lah, mun sabun mandi tu hudahnya pang. Jadi sakira kadada nang tatinggal lagi, julak ni bacari akal, dua batang ruku habis, hanyar tatamu caranya.

“Nah, baik ku ulahakan daptar ja,” jar sidin, “napa-napa nang dibawa.”

Singkat kisah, tuntung bamandi, diitihi sidin daptar catatan nang diulah tadi. Udul, sikat gigi, gigi palsu, sabun, tapih, simpak, sampu, “Nah siip dah!! Kadada lagi nang tatinggal,” jar sidin.

Lalu ai sidin kaluar pada batang banyu, pina musti ha bajalan manuju ka rumah.

“Uyy lak!” jar Acil Inur, “batampai banar nih lah?”

“Gajah pian lak,” jar Ijak jua.

“Nah kanapa ni?” jar julak bingung.

Kada lawas tatamu julak bini nang handak mandi turun ka batang. “Umai lih ka, kada supan kah? Awak tuha maka batatampai pakakas?” jar julak bini.

Batambah bingung ai Julak Ibus, babaya diitihi ka bawah, haraw kada ba’andukan sidin. Sakalinya kada ingat mancatat anduk sidin nih.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s