HABIS DITIUP ANGIN


HABIS DITIUP ANGIN
Oleh: Amang Gayam

Julak Tambi wan Amang Hadri kana giliran runda, pas rahat tangah malam Amang Hadri baulah kupi, maklum gasan bagadang supaya kada tapi mangantuk. kada lawas bapadah ae Amang Hadri lawan Julak Tambi.

“Uu marina, ulun handak bakaliling kampung dulu nah. Kontrol kaadaan. Pian tinggal saurangan di sini, jaga pos!” ujar amang Hadri wan Julak Tambi.

“Eeh, ayuha Dri ae,” ujar Julak.

Tulak ae Amang Hadri basapida tinjak bakuliling kampung, tatinggal Julak ae lagi saurangan. Parak satangah jam, kada lawas datang Amang HadrI.

“Kayapa Dri?” ujar Julak.

“Aman haja marina ae,” jar Amang Hadri.

Mamicik ae Amang Hadri ka remot tipi handak malihat berita. Pas rahat mahahar galas kupi, salakalinya puang.

“Nah!” jar Amang Hadri, “Mana kupi ku ne….. ?” Batakun ae Amang Hadri lawan Julak Tambi, “Marina, adakah maminum kupi ampun ulun?”

“Habis tatiup angin sako, Dri ae,” ujar Julak.

“Haw, mana bisa kaitu?” jar Amang Hadri. Bingung Amang Hadri, “Bisa ada urang halus, marina ae,” jar Amang Hadri lawan Julak (sambil bagamat baparak lawan Julak).

“Kada, Dri ae!” ujar Julak. “Aku kapanasan handak minum, jadi kutiup tarus ae sampai dingin, sakalinya pas mahirup parak satangah galas kupi ikam, asa tanggung baik kutuntum ha samunyaan. Jadi habis kana angin nang kutiup ti pang,” jar Julak.

“Bah! Cucuk haja habis, mun nitu lain urang halus atawa kana angina, pian nang maumbasnya sakalinya,” jar Amang Hadri pina sangkal.

“Hahahahaha!” tatawa banar Julak Tambi, “Ayuha ku ulah akan ba’asa,” jar sidin sambil tatawa.

Originaly Write
By Amang_Gayam
http://amang9ayam.wordpress.com/
http://www.facebook.com/amang.gayam.jr

Iklan

4 thoughts on “HABIS DITIUP ANGIN

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s