Kisah Jin Butul


Kisah Jin Butul
Oleh: Pambakal Sambang Lihum

Takisah Amang Ijun bos sarang burung di daerah Palangkaraya. Bangaran Amang Ijun ne urangnya sugih, jadi rahatan hari Ahad pasti dah inya tulak rekreasi maisi hari parainya. Pukuknya dua juwa, mun kada manimbak burung, bearti maunjun di danau nang taparak rumahnya.

Hari itu Amang Ijun maunjun di danau, rahatan asik mangayuh jukung, inya malihat ada butul nang timbul. Tutupannya pisit banar, hibak wan rajahan nang kada dimangarti Amang ne. Bangaran pina panasaran, lalu Amang Ijun ne meambil tang nang dibawanya bila tulak maunjun. Dibukanya tutup butul tu, sakalinya kaluar palak nang kaya di pilim-pilim Aladin. Palak tadi baubah jadi jin nang pina tabal sisingut wan mambaritakutan siapa nang malihat.

“Terimakasih tuan, tuan sudah malapasakan ulun nang takurung labih pada saribu tahun, gasan mambalas kabaikan tuan, surung haja 3 kahandakan pian gasan kukabulakan!” jar jin ne.

Imbah takajut kada baampihan Amang Ijun nang mulai tadi tanganga haja pina takurihing sudah. Lalu inya maambil hinak dalam-dalam, lalu baucap, “Ayuha amang jin ae, ulun ada baisi kahandakan nang kira-kira manjadiakan sajarah wan kajadian ganal di Indonesia ne,” jer Amang Ijun pina basumangat banar.

“Pamulaan, ulun minta supaya haraga rupiah nang kaya dahulu pulang, Rp2500,- per 1 dollar US nya. Nang kadua, ulun minta supaya duit-duit nang dikurupsi, dibulikakan wan rakyat sunyaan. Nang katiga, ulun minta supaya hukum bujur-bujur dipakai di Indonesia, jangan hanya urang halus nang kana,” jer Amang pina kagum wanpamandirannya surang.

Tadiam jin ne bapikir, kada lawas bauling-uling kapala kada sanggup, lalu baubah pulang jadi palak nang langsung babuat ka butul nang rahatan ada di tangan Amang Ijun. Kada lawas tadangar suara matan dalam butul, “Tuan, jangan kada ingat manutup baasa butulnya!”

6 thoughts on “Kisah Jin Butul

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s