MAANTRI DI POM BENSIN


MAANTRI DI POM BENSIN
Oleh: Arfa Sky, Amuntai

Babarapa hari ni Su Ijak kalang kabut bila handak manukar binsin gasan maisi tanki motornya. Soalnya wayahini kiriman binsin ka pom binsin nang ada di Banua Lima sudah bakurang. Jadi mau kada mau Su Ijak maantri bila handak manukar binsin.

Kamarian itu pas Su Ijak handak maisi bensin pulang, masih banyak urang lain nang maantri. Sabujuranya Su Ijak kulir pang handak maantri pulang. Soalnya hitungannya inya paling banyak manukar 3 liter haja, tapi bangaran binsin motornya sudah bujur-bujur sakarat, mau kada mau ai Su Ijak mambariskan motornya jua ae padang antrian nang liwar panjangnya. Parak dua jam Su Ijak ni umpat maantri. Dilihatinya tinggal dua buah motor haja lagi dihadapannya. Malihat nang kaya itu Su Ijak arai banar.
“Satumat lagi giliran unda. Kada papa balawas maantri, nang panting kabagian manukar binsin jua,” sambat Su Ijak basuara dalam hati.

Tinggal sabuah motor lagi, makinnya ai Su Ijak tambah arai. Supaya nyaman pas gilirannya, Su Ijak balalu turun tumatan motornya. Imbah itu Su Ijak menyiapkan duit gasan manukar binsin nang handak ditukarakanya. Tapi cilakanya pas sudah gilirannya, Su Ijak malihat patugas pom binsin langsung maambil kertas batulisan, “TUTUP. MAAF BENSIN HABIS”.

“NAH ham cilaka am ni. Unda maka sudah batutuhukan maantri. Pas giliran unda malah binsinnya habis,” jar Su Ijak bamamai surang. “Bah labar am dah,”jar Su Ijak, “Mana unda puasa ha pulang, baantri sing lawasan kada taulih jua. Ooo ai.., mimpi apa sumalam, nasibbb nasiibbb!”

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s