TANGGUHI, BARAPA UMURKU? (Serial Utuh Ujai)


TANGGUHI, BARAPA UMURKU? (Serial Utuh Ujai)
Oleh: Pambakal Jingah Rabit

Takesah Aluh Dangkik nang bawarung di Kampung Jingah Rabit. Aluh Dangkik ne sudah talu kali balu. Takisah juwa Amang Ijun urang hanyar bagana di kampung Jingah Rabit. Hari itu Amang ne singgah di warung Aluh Dangkik, langsung ae Aluh Dangkik nang piragah bungas ne manakuni, “Coba pang dangsanak, tangguhi barapaan umurku wahini?”

Amang Ijun nang sabujur sudah tahu kisah Aluh Dangkik matan Utuh Ujai, piragah maminandui si Aluh. “Mun ulun lihat di gigi pian nang masih putih barasih, palingan umur pian 19 tahunan.”

Himung Aluh ne mandangar. Lalu jar Amang pulang, “Mun dilihat matan rambut pian nang pina tabal wan hirang, kira-kira kada 20 tahunan.” Himung pulang Aluh ne. “Mun dilihat kulit pian nang putih barasih wan balum kariput, umur pian tu sakitar 22 tahunan.”

Kada kesah lagi arainya Aluh ne. Pina kada sabar lagi lalu batakun ae, ”Mun kaetu kira-kira berapa umurku wahini ?”

Lalu jar Amang Ijun, “Mun dihitung-hitung panjanak ulun pian tu kada kurang pada 19+20+22 = 61 tahunan.”

“Paraya ha ikam minum di warungku!” jar Aluh Dangkik pina manyanyarik.

Iklan

2 thoughts on “TANGGUHI, BARAPA UMURKU? (Serial Utuh Ujai)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s