MATI BAKARAMAT (Serial Utuh Ujai versi Ramadhan)


MATI BAKARAMAT (Serial Utuh Ujai versi Ramadhan)
Oleh: -Tuan Muda Busu Wahyu, Banjarmasin

Di kampung Jingah Rabit hidup anak muda ngarannya Utuh Kumandrah. Urangnya liwar macalnya, gaweannya mabuk, mawarung, pukuknya nang kada mambari kapingen to pang, apalagi di bulan puasa orang tarawehan si Utuh Kumandrah ne bakalatupan haja, sanunuhan ka balai burit bibinian digaweli.

Digalari Utuh Kumandrah tu gara-garanya, bila ada urang bapangantenan pasti dah sakit parutan urang. Kanapa? Marga dibuati oleh Utuh ne kumandrah dalam pangawahan. Sampai jara urang bakawinan, napang mun sakampungan sakit parut baheraan. Wahini bila urang baaruhan, bamasaknya pasti di kampung subalah, takutan kalu dibuati Utuh pulang. Wan mun urang tahu pada bamasak di kampung nintu, pasti urang kada hakun saruan.

Napakah malam nintu utuh ne kada hadir di warung malam Acil Inor, biasanya inya haja paiiyanya. Ranai kampung, kadada bunyi kalatupan, warung acil Enor rami haja. Pukuknya hiran urang imbah kadada nang saikung ngini. Sakalinya ada nang mambawa habar, si Utuh Kumandrah garing bangat. Pas hari Jumahat Utuh ne meninggal, lalu dkuburkan secara aturan nang ada. Jam 8an pas orang ka balai handak tarawehan, geger sakampungan kuburan Utuh ne harum wan bacahaya dan tadangar ngaji. Heran ai urang, padahal kada sasuai di waktu hidup ujar orang garunuman di warung Acil Inor.

Karna panasaran wan supaya urang kada takutan bulikan taraweh kalo dikira mati jadi hantu ataw kanapakah kuburan Utuh Kumandarah ne, maka nang tuha-anum bapakat handak manabuk ulang kuburan Utuh ne. Esok dibongkar ae kuburan Utuh ne tadi. Imbah tuntung, maklum kada tapi dalam juwa tabukannya talihat ae mayat Utuh ne lagi takurihing. Nang anihnya di gulu Utuh bagantungan radio nang lagi hidup babunyi rahatan sapunsur promag, di higa tangan banyalaan sintar wan di higa awak ada butul minyak harum.

Kurihingan urang malihat, kada lawas datang Angah Jablay nang tukang tabuk kubur mamadahkan pada radio, sintar, wan minyak harum tu ampunnya nang tagugur rahatan manguburakan sumalam. Mandaraw urang tatawaan.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s