MAHAYAL SUGIH (Serial Utuh Ujai Versi Ramadhan)


MAHAYAL SUGIH (Serial Utuh Ujai Versi Ramadhan)
Oleh: Pambakal Jingah Rabit

Takisah Utuh Ujai wan Adum Halus nang lagi bararabahan di langgar, rami buhannya bapandiran kada karuan tampuh. Tahalang tabujur pamandiran, maklum hari panas wan rahatan puasaan juwa. Sudah jadi kabiasaan buhannya takumpulan di langgar rahatan bulan puasaan ne sambil manunggui hari sanja waktu handak babuka.

“Jai, aku handak batakun wan ikam!” jar Adum Halus.

“Napa garang nang handak ditakunakan, Dum?” jar Utuh Ujai manyahuti.

“Kaini, dari pada kita mamandirakan wan manguya urang, baik kita mahayal ha. Kita ne sudah talanjur miskin wan kadada harapan lagi sugih. Kira-kira rahatan kita bapandiran ne pas gugur duit sakarung jumlahnya samiliyar, ikam pakaikan ka mana duitnya?” jar Adum Halus.

“Ikam dahulu, nangapa kahandakan ikam mun baduit saitu?” jar Utuh Ujai mambulikakan pandir.

“Mun aku dapat duit saitu banyaknya, aku handak manukar rumah nang ganal, nukar mutur 5 buting, imbahtu sisanya pakai bakuliling dunia, mun kam pang?” jar Adum Halus.

“Mun aku dapat duit kaitu banyaknya, 500 juta gasan mambarii masigit,” jar Utuh Ujai.

“Nang 500 jutanyanya pang?” jar Adum Halus.

“Nang 500 jutanya gasan kubagi wan urang-urang di kampung Jingah Rabit ne,” jar Utuh Ujai.

“Jah mun kaitu ikam kada handak sugih kah Jai?” jar Adum Halus.

“Nyata ae handak, imbah habis duit samiliyar tadi, kubawa mahayal pulang duit samiliyar gugur di hadapanku, gampang haja kalu?”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s