TATAMBA ASMA (Serial Utuh Ujai)


TATAMBA ASMA (Serial Utuh Ujai)
Oleh: Ampeak Sie Kaminting Pidakan, Kalua

Takisah kai-nya Acil Enor nang sudah baumur 50 tahun. Sidin ne kada suah garing kecuali ini. Saminggu sudah kada ada mangaluar rumah. Sudah jadi kabisaan buhan Kampung Jingah Rabit bila ada warga nang garing diilangi, walau ka situ hanya cagaran mahibur atawa umpat mamakan wadai wara.

Hari Jum’at habis ka masjid rame tuha anum ka wadah Kai-nya Acil Enor. Nah di sini katahuan pada kai ne garing kana panyakit asma. Jar Adum Halus, “Kawa lah pian makan?”

Lalu bagamat kai ne manjawab, “Kawa ae mun disuapi.”

Lalu jar Julak Pirhan, “Kawa lah bajalan?”

“Kawa ae mun diirit dibantui,” jar kai.

Lalu jar Utuh Ujai, “Bakantut pang kawa za kalo sorangan kada diganii?”

“Eh sorangan ae mun bakantuk. Aku banyak-banyak minta maap mun ada salah. Aku minta rela dunia ahirat,” jar kai.

“Ae julak, kanapa bapandir kaeto?” jar nang lain pina takajut.

“Aku putus asa sudah. Sudah macam-macam tatamba diminum. Tatamba duktur, tatamba kampung, tatap haja kada ampih panyakit asmaku,” jer kai pulang.

Bubuhannya nang ada, pina titikan banyu mata. Lalu Utuh Usai umpat bapandir. Utuh Usai ne kakanakan nang paling macal juwa pang. “Ada ae ubat nang harat Kai ae!”

“Napa?” jar nang lain.

“Ubatnya nyiru gasan manampi baras toe buritnya diminyaki, imbah tu pian nang garing mambawa baandak di kapala, imbahtu pulang, pian bawa naik ka atas hatap rumah. Bacakan bismilah wan sahadat, lalu pian babuat ka nyiru sambil baluncur matan atas hatap ka bawah. Jamin langsung ampih maarit asma. Nah kurelakan jam mun pian ada salah dunia ahirat.”

Sindam kai mandangari, nang lain pina batambah titikan banyu mata. Kada lawas, PAWWWWWW, tampilingan pambakal bajarikit di muha Utuh Usai. “Tu tu kadanya maubati, tapi mamatii ngarannya,” jar pambakal pina mingar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s