SAPIDA HANYAR (Serial Utuh Ujai)


SAPIDA HANYAR (Serial Utuh Ujai)
Oleh: Aman Tigarun, Kalua

Adum Halus ni hanyar manukar sapida mutur mio. Satiap hari raun haja gawian sambil malihayi tunggangan jar. Putar-putar Adum Halus ni mamutari Kampung Jingah Rabit. Pokoknya sahari tu ada nang sampai 10 kali bakuliling kampung. Bila ada tatamu urang pasti dah inya takurihing.

“Napa Adum Halus tu takurihing tarus?” jar Julak Pirhan.

“Kalu kahanyaran baisi sapida,” jar Utuh Hirman. “Kina bila Adum Halus lalu kita singgahakan!” jar Utuh Hirman.

Singkat tali salawar, Adum Halus lalu pulang. “Adum Halus, singgah…singgah!” jar Julak Pirhan.

Tadadar ae Adum Halus manjajak rem. “Napa mang?” jar Adum Halus.

“Napa maka ikam takurihing tarus bila tatamu orang?” jar Utuh Hirman.

“Maungahakan sapida hanyar kah?” jar Julak Pirhan.

“Kada,” jar Adum Halus.

“Kahanyaran baisi sapida kah?” jar Utuh Hirman.

“Kada jua,” jar Adum Halus.

“Bah pang napa?” jar Utuh Hirman.

“Aku takurihing tu kada aku kahanyaran baisi sapida. Kada jua maungahkan. Aku takurihing karna sapida nang kutukar ni ban-nya bulat,” jar Adum Halus.

“Jah, napa hubungan nya lawan takurihing?” jar Julak Pirhan.

“Cuba bayangkan mun tadi aku manukar sapida ni ban-nya sagi 4. Mau lah aku takurihing?” jar Adum Halus sambil mangalunyur mangurihingi buhannya.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s