MAUMUMAKAN SIM (Serial Utuh Ujai)


MAUMUMAKAN SIM (Serial Utuh Ujai)
Oleh: Ampeak Sie Kaminting Pidakan

Takisah Pambakal nang lawas jadi sopir, sidin ba isi SIM B1. Nah ne sidin ada ditawari gawian parusahaan batu bara, tapi SIM harus B1 UMUM. Singkat kisah Pambakal bapandir di warung Su Ijak, “Barapa yu wayahni ma umumakan SIM? Aku handak bagawi di parusahaan.”

Lalu Utuh Adun manyahut, “Kira-kira sajuta dua ratusan Pambakal ae!”

Lalu Julak Pirhan manyahut, “Sajuta lima ratus waheni.”

“Kada!” jar Utuh Ujai, “murah haja ma umumkan SIM. 100 ribu haja. Mun ada duitnya 5 manit gen tuntung.”

“Bujur lah Tuh?” jar Pambakal.

“He eh pambakal ae, bujuran, sini nah duitnya saratus ribu. Sini SIM pian!” jar Utuh Ujai.

Kada bapikir lagi Pambakal langsung manjulung SIM lawan duit 100 ribu. Lalu Utuh Ujai kaluar pada warung. Kada lawas tadangar mik masigit, tadangar, “Pangumuman pengumuman,” mulai mik. Tadangar SIM pambakal diumumakan Utuh Ujai mulai mik masigit. Mandaraw urang di warung tatawaan. “Dasar bujur murah ma umumkan sim,” jar sa ikung.

“Ia am,” jar pambakal, “dapat Utuh Ujai duitku,” sambil kaluar warung pina masam muha.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s