BANYU KAMIH (Serial Utuh Ujai)


BANYU KAMIH
Oleh: Pambakal Jingah Rabit

Sabalum bulik ka Kampung Jingah Rabit, takisah Amang Ijun nang rahatan kuliah di Amirika. Amang Ijun ne sakulah ahli purinsik pulisi. Kisahnya ne rahatan di kalas.

“Salah satu petunjuk penting untuk menyelidiki penyebab kematian korban adalah menganalisa apa yang ada dalam perutnya, dan sering kali itu bisa dideteksi melalui air kencing,” ujar prupisur mambari panjalasan rahatan Amang Ijun masuk ka kalas. Amang Ijun ne pasti talambat tarus masuk, nintu nang kasakian kalinya inya talambat.

“Kamu tidak usah duduk! Berdiri saja di situ dan perhatikan peragaan saya!”, ujar prupisur mamarahi Amang Ijun.

“Tapi Prof, saya kebelet kencing nih. Mohon ijin ke toilet dulu,” ujar Amang Ijun nang muha masam manahani handak bakamih. Riuh kalas buhannya gigir manawakan Amang Ijun.

“Baik, kebetulan aku butuh sampel urine untuk peragaan. Kamu kencing di botol ini. Cepat bawa ke toilet sana!” ujar prupisur.

Tapaksa ae Amang Ijun manuruti, kira-kira dua manit inya datang pulang mambawa butul nang sudah diisi banyu kamihnya, saparu isinya. Imbah tu prupisur manculup (mamasukkan) jari nang sudah bakaus tangan, imbah tu langsung dimasukakan ka muntung. Sunyaan nang di kalas asa maula-ula parut, ada nang gagaruak handak muak. Sunyaan muha buhannya masam nang kaya tandui.

“Dalam keadaan darurat, di mana kita tidak memiliki peralatan memadai, cara paling sederhana adalah dengan apa yang saya peragakan tadi, yaitu merasakannya dengan lidah kita,” ujar prupisur maampihi paragaan, imbah tu bapaling ka Amang Ijun, “Kamu memperhatikan peragaan saya tadi, Jon?”

“Ya, Prof”, ujar Amang Ijun.

“Bohong! Matamu dari tadi melirik Gadis pacarmu itu, kan!” garatak prupisur.

“Eh.. eng… eng… enggak kok, Prof,” ujar Amang Ijun pina ba’aga-aga pander.

“Sekarang buktikan kalau kamu memperhatikan peragaanku. Coba lakukan apa yang aku lakukan tadi. Kalau salah aku suruh kamu push-up 20 kali. Ayo, tunggu apa kamu!” ujar prupisur manggaratak pulang.

Tapaksa ae Ijun manculup jari ka dalam butul kamihnya surang, imbah tu mamasukkan jarinya ka dalam muntung. Langsung ubah muha Ijun nang kaya handak muak.

“Nah, sekarang terbukti kamu tidak memperhatikan peragaanku. Tadi yang aku celupkan dalam botol air kencingmu itu jari telunjuk, tapi yang kumasukkan dalam mulutku jari tengah. Sekarang kamu push-up 20 kali!”, ujar prupisur takurihing sambil manggaratak Amang Ijun.

Asa habis tanaga Amang Ijun imbah push-up 20 kali. Amang Ijun disuruh duduk ulih prupisur, lalu sidin malanjutakan kuliahnya, “Baik, peragaan tadi hanya untuk menghukum Jon saja. Sekarang gunakan mikroskop kalian untuk memeriksa apa yang terkandung dalam urine Jon. Semoga bukan kuman sipilis dan Raja Singa!”

2 thoughts on “BANYU KAMIH (Serial Utuh Ujai)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s