BAJUAL SUMANGKA (Serial Utuh Ujai)


BAJUAL SUMANGKA (Serial Utuh Ujai)
Oleh: Adum M. Sahriadi

Takisah Utuh Runi nang lagi bajualan sumangka di pasar Jingah Rabit. Kuriak-kuriak inya manawarakan sumangkanya. Kada lawas datang urang handak manukar.

“Sumangka, sumangka! Habang! Habang!” jar Utuh Runi.

“Bujuran kah habang paman?”

“Bujuran sanak ae. Ne lihati aku mambalah gasan cuntuhnya,” jar Utuh Runi. Lalu sidin mambalah, dasar habang warnanya. Kabalujuran juwa tarpal nang dipakai gasan banaung balangnya habang juwa. “Kayapa, habang kalo? Mun kada habang, bulikakan ha, dijamin duit pian dibulikakan.”

Kada banyak pikir, langsung ditukari sidin sumangkannya. Imbah manukar, lalu digantung sidin di satang sapida. Rahatan asyik di jalan, ada trak nang pina laju. Sampai bujuran sidin, langsung mangalapson sing nyaringan. Takipik rahi. Takajut, langsung rabah sapidanya. Mandabuk sumangka nang langsung mangalunyur ka tangah jalan. Sumangkanya langsung pacah bahamburan. Nang anihnya, sumangkanya kada habang tapi putih sunyaan. Kada bapikir lagi, langsung sidin babulik ka Utuh Runi nang rahatan basisimpun handak tutup.

“Jar pian tadi sumangkanya habang, baarti pian badusta. Ne lihati, putih pucat saukuan!” jar sidin.

“Jah, kanapa sumangka pian pina pacah kaetu?” Jar Utuh Runi.

Lalu sidin mangisahkan pada rabah takajut gara-gara mutur trak mangalapson. Jadi sumangkanya tagugur langsung pacah.

“Ha ha ha, jangankan sumangka, pian gin mun tagugur, pasti pucat saawakan,” jar Utuh Runi.

Tapaksa sidin te nukar baasa, marga tapakalah handak mahurupkan tapi Utuh Runi kada hakun.

4 thoughts on “BAJUAL SUMANGKA (Serial Utuh Ujai)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s