HANTU KUNING


HANTU KUNING
Oleh: Warra Fang

Di kampung Hujung Tanah ini, nang kaya biasanya mun malam Jumahat ba’pambacaan/caramah agama di langgar. Nang kali naya tuan gurunya matan kampung subarang. Habis pambacaan, baucap Utuh Haruan, “Rasa mangana banar awan aku, mun di rasa-rasa, asa tasinggung pang.”

Lalu jar Julak, “Iya’am aku marasa jua kam.”

“Makanya amun kada handak disinggung tuan guru jangan bakalakuan nang malanggar aturan Agama!” ujar Jarjid manjawabakan.

“Bujur banar dangsanakai,” jar buhannya (Utuh Haruan wan Julak).

Kada lawas kaluar tuan guru, jar sidin, “Aku tu bukannya bamaksud manyinggung, tapi cuman manyampaikan haja apa-apa nang seharusnya aku sampaikan.”

Langsung buhannya batiga basalaman wan Guru.

Jar Utuh Haruan, “Diatarkah pian bulik?”

“Tarimakasih, aku bulik haja,” jar patuan Guru.

“Wani hajalah pian bulik saurangan? Maka di jalan sunyi banar kada balampu listrik,” jar Julak juwa.

“Inggih, ulun dangar-dangar di pohon kariwaya pinggir jalan, bahantu Guru’ai, bamalam hajagin di sini!” jar Jarjid manambahi.

“Kada buleh kita takutan selain kepada ALLAH SWT,” jar Guru.

Singkat kisah, di tangah jalan, babaya parak sudah awan pohon kariwaya ganal, talihat girarap-girarap bacahaya pina kakuning-kuningan. Dalam hati Tuan guru, “Bujur jua apa nang buhannya pandir, batamuan jua akhirnya wan aku.” Diparaki sidin, muntung sidin sambil babaca ayat-ayat, kanapa samakin lawas samakin jalas kuningnya, bukannya hilang tapi semakin kuning. Jar tuan guru, “Mun kaya itu, ini haja lagi musuhnya,” sambil mancabut parang.

Diparaki sidin bagamat, pas dirasa parak, sambil bapijim mata cancang ba’himat tuan guru, sakuat tanaga sidin manimpasi banda nang kakuning-kuningan tadi, sasain gancang manimpas samakin ganal parcikan api nang kaluar, dilihati parang patah, baluncat sidin ka balakang, takajut sambil heran, caluk kantung salawar ada sintar, imbah disintar, takuriak, “Baaahhhhh….SATUM sakalinyaaa…”

Oh.. rupanya, mutur SATUM di pinggir jalan.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s