Bule Masuk Kampung (Serial Utuh Ujai)


Bule Masuk Kampung (Serial Utuh Ujai)
Oleh: Ampeak Sie Kaminting Pidakan

Takisah kampung Jingah Rabit nang rami didatangi buhan turis. Alasan buhan turis handak tau banar ae lawan tokoh Bubuhan Jingah Rabit. Singkat kisah singkat tali salawer. Suatu hari datang turis mulai Eropa. Pas rahatan itu bule batamu lawan Utuh Ujai.

Lalu bule bapadir wan bahasa Indonesia, “Dik, numpang tanya ya?”

Lalu jar Utuh Ujai manyahut, “Tumpangakan haaaaa!”

Lalu bule bapandir, “Bujur lah ini kampung Jingah Rabit nang ulun kanal di situs banua hujung tanah?”

Lalu Utuh Ujai manyahut, “Iya, sip, batul, bujur, pas tu jangan diubah lagi.”

Singkat kisah lalu Utuh Ujai jadi jadi pemandu jalan bule tadi. Pas waktu bajalanan si bule malihat jambatan gantung lalu batakun lawan Utuh Ujai, “Barapa lama jembatan ini selesai dibangun?”

“2 tahun,” jar Utuh Ujai.

“Wah kelamaan,” jar bule manyahut, ”kalau di Eropa 2 bulan, ini sudah selesai.”

Bajalanan palang Utuh Ujai lawan bule, pas rahatan bajalan malihat rumah Pambakal Jingah Rabit nang harat. Lalu bule batakun, “Berapa lama rumah ini selesai dibangun?”

“2 tahun,” jar Utuh Ujai.

Lalu si bule bapandir, “Kalau di tempat saya rumah seperti ini selesai 2 minggu aja.” (Jar bule setengah menghina).

Utuh Ujai marasa tasinggung harat buhan bule tarus. Tarus bajalanan si bule malihat jambatan ganal wan panjang lalu batakun, “Berapa lama jembatan ini selesai dibangun?”

“Jembatan yang mana?” ujar Utuh Ujai betakun.

Lalu bule manjawab, ”Jembatan yang besar ini!” (Sambil manunjuk ka jambatan beton).

Lalu Utuh Ujai manyahut, “Nah, mun ini, kemarin jembatan ini belum ada.”

“Haaah!!!” jar bule langsung pingsan.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s