Tangkiyu Sepen (Serial Utuh Ujai)


Tangkiyu Sepen (Serial Utuh Ujai)
Oleh: Adum M. Sahriadi

Takisah Utuh Mandaw nang hanyar balajar Bahasa Inggris wan Amang Ijun. Kanapa inya balajar wan Amang Ijun? Karna Amang Ijun alis John Kenedy ne lawas bagana di banua urang di Irupa sana. Tiga hari sudah inya balajar, malaran banyak sudah nang inya tahu, nang kaya: Ok, Never Mind, Thank you, One, Two, Three, Four, Five, Six, Seven dan Bye-Bye.

Nah hari itu, Utuh Mandaw ne mambawai Utuh Ujai ka Pasar Tarapung, tampulu di Banjar jar. Rupanya kanapakah hari itu banyak banar bubuhan turis alias bule nang handak bajalan ka sana juwa. Rahatan asik bajalan, pas tupi Utuh Mandaw ne tagugur, takait tangan turis nang urangnya tinggi banar, maka babinian bungas ha pulang. Nangkaya di pilim-pilim India juwa, si turis ne lalu maambilkan tupi nang tagugur tadi. Tapaimbai lawan utuh nang handak maambil juwa. “Nah am, kawa ne aku mauji Bahasa Inggrisku, tampulu bule ne baik urangnya,” jar Utuh Mandaw dalam hati.

“Oh, I’m Sorry,” jar turis te.

“It’s Ok, Never Mind. Thank you,” jar Utuh pulang.

“Thank you Too,” jar turis manyambungi.

“Hmm… imbah Two, pasti Three,” jar utuh dalam hati. “Thank You Three.”

“What For?” jar turis ne pina kahiranan.

“Nah, Four…pulang, baarti imbah ne Five,” jar utuh pulang dalam hati. “Thank you Five.”

“Are you Sick?” jar turis ne batambah hiran wan bingung.

“Bah iya am, nyata dah imbah sick ne … seven…, maka aku hanyar balajar sampai seven juwa, kalu iya manyambungi pulang, baugah ja lagi aku,” jar utuh manggarunum dalam hati. Lalu Utuh Mandaw badadas handak baugah. Imbah tajauh pada turis ne, lalu satangah bakuriak, “Thank you Seveeen! Bye-Bye…!”

Utuh Ujai haja nang mulai tadi tanganga, bingung, apalagi turis ne, makinnya tambah bingung.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s