TALAMBAT MAANGKAT (Serial Utuh Ujai)


TALAMBAT MAANGKAT (Serial Utuh Ujai)
Oleh: Adum M. Sahriadi

Takisah Utuh Ujai wan kakawanan nang sakulah kalas II di SMA Sambang Lihum. Sakalas wan Utuh Ujai adalah Adum Halus, Si Enor, wan Utuh Ujal. Buhannya ne masuk ka jurusan IPA. Dasar mulai SD sampai ka SMA buhannya kada suah tapisah.

Jam panambayan, masuk guru palajaran ilmu bumi, guru Apur. Sidin manjalaskan banyak banar tantang cuaca. Imbah tu sidin betakun wan kakanakan, “Kanapa baju bajamur di dadaian nang karing bisa basah?”

“Kana hujan, pa ae,” jar Enor.

“Bujur, tapi kada pas,” jar guru.

“Talambat maangkat, pa ae,” jar Utuh Ujai.

“Bujur, Saratus!!!!”

Jam palajaran kadua guru fisika nang masuk. Guru Pirhan, inya mangisahkan prusis pambakaran sahingga tajadi karbun monoksida wan diuksida. Imbah tuntung palajaran, guru ne batakun, “Kanapa wadai roti di upen bisa hangit?”

“Adanya paristiwa pamanasan nang tinggi banar, sahingga O2 di dalam upen mamuai imbahtu particles O2 nang panas marumpak ka roti, kadalawas rotinya mengalami truma tumpul, nyata dah rotinya hangit nang kaya burit rinjing!” Jar Adum Halus manjawap.

“Bujur, tapi tatap kurang pas jawapannya!” Jar Guru Pirhan.

“Talambat maangkat!” Jar Utuh Ujai.

“Bujur, Saratus!!!!”

Jam palajaran katalu, Guru Biologi nang masuk, Pak Aman, inya mangisahakan prusis pambuahan. Imbah tuntung palajaran, guru ne batakun, “Kanapa bibinian bisa batianan?”

“Marga tarjadi zigut, tatamunya banyumani wan sel hintalu!” Jar Utuh Ujal.

“Bujur haja pang, cuma kurang mantap!” Jar Guru.

“Talambat maangkat,” Jar Utuh Ujai pulang.

“Tu tu nang pas,” jar Guru.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s