TIPS SUPAYA JANGAN KACUPITAN


TIPS SUPAYA JANGAN KACUPITAN
Oleh: Êl-FäЯôqý ÑöЯäñìè

Ingat, kajahatan tarjadi bukan karena ada niat dari pelakunya, tetapi karena ada kesempatan, wasdapalah.. wasdapalah…! (Ujar Bang Napi)

1. Bila hampian baninian bawalah tas atawa gintingan hampian dengan baik, mun kawa dikapit di katiak hampian, karana cupit rata-rata kadada nang katujunya wan bau katiak.

2. Bila hampian lalak eh lalakian pastiakan dumpit hampian selalu di kantung pian, karena mun di kantung urang lain, baararti pian sudah kacupitan.

3. Ulah supaya cupit bingung caranya bila mamabawa duit andaki di samunyaan kantung pian baik di salawar, baju atawa simpak hampian.

4. Pastiakan pian salalu kada membawa duit, pasti pian kada kacupitan, karana kadada duitnya.

5. Bila pian mambawa duit didumpit atawa tas pian jangan kada ingat andaki di dalamnya sing, karena cupit pasti dakawa minyisil atawa manyilit dumpit atawa tas pian.

6. Imbah nukar iwak karing atawa iwak wadi, andak duit pian di situ, karena copit kada katuju bau iwak karing atawa iwak wadi, kacuali kucing.

7. Amun pian mambawa duit banyak labih baik diandak di kantungan plastik nang tarang imbah itu dikalungakan di gulu, pian pasti kada kacupitan palingan dirampuk ja.

8. Mun pian sudah yakin tatamu wan cupit, bawai haja makanan barang ha di warung acil Irus situ kah, imbahnya dibayariakan habis tu bari duit pulang san ungkus inya bulik, pasti pian kada dicupitnya lagi.

9. Nah nang ini pamungkasnya. Tips nang paling harat adalah, pian jangan tulak ka mana-mana, bakuhup ja di rumah sampai mamak, pasti kada kacupitan.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s