SEX TU NAPA? (Serial Utuh Ujai)


SEX TU NAPA? (Serial Utuh Ujai)
Oleh: Pambakal Jingah Rabit

Ne kisah Utuh Mandau lagi halus. Utuh Mandaw ne sakulah di SD Sambang Lihum, sakalas wan bubuhan Adum Halus, Utuh Ijai, Si Enor, Utuh Ujal, wan Ijun. Rahatan malam Utuh Mandaw ne batakun wan abahnya Su Ijak, “Bah, sex tu napa garang?”

Takajut Su Ijak mandangar tatakunan anaknya. Bapikir satumat, tabayang jaman wahini nang sarba mudirin, manusia bapikiran tabuka, tamasuk kakanakan nang masih halus kaya Utuh Mandaw.

Bangaran Su Ijak ne suah sakulah tinggi, lalu inya bahati-hati bangat manjalaskan, tuhuk inya bapikir kunsip siks nangapa nang cucuk dijalasakan gasan kakanakan halus. Lalu Su Ijak dapat akal, bagamat inya manjalaskan lawan umpama. “Siks tu nak ae, nang kaya kumbang wan kambang, atawa hintalu nang mamacah jadi birudu imbah tu jadi kodok, atawa hujan wan banih nang baubah manjadiakan tunas. Pukuknya sunyaan tu cagaran jadi anak dalam paparutan.”

Handak habis abahnya manjalasakan sambil mambuat kisah inya wan umanya nang dahulu bapacaran, imbah tu kawin, lalu jadi Utuh Mandaw.

Bakajutan, kadada hajat napa-napa, manangis sajadi-jadinya Utuh Mandaw ne. Bingung Su Ijak malihat. Asa kadada salah tadi manjalasakan, kanapa maka manangis. “Kanapa ikam manangis, Tuh?”

Utuh Mandaw tatap manangis haja, kada sing suaraan. Kada lawas, sambil basisigan si Utuh mamadahakan, “Jawapan abah panjang banar. Kayapa ulun maisiinya. Mun kaitu abah haja nang maisii!” Jar Utuh Mandaw sambil manjulung buku latihan bahasa Inggris nang isinya:

NAME: ….
SCHOOL: ….
CLASS: ….
SEX: ….

Iklan

3 thoughts on “SEX TU NAPA? (Serial Utuh Ujai)

  1. Ping-balik: Inspiral Carpets – Directing Traffik | dirtcheapcarpets.com

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s