TALAKUNG SIMPAK


TALAKUNG SIMPAK
Oleh: Marfaie Arfa Dinata Putra, Amuntai

Ada kejadian lucu rahatan sumbahyang bajamaah Isya. Nah, rahatan tu kajadiannya di shafnya bibinian. Di shafnya bibinian nih ada takurung saikung ibu-ibu nang baisian katujuan nang pina malalain pada urang. Ibu nih ngarannya Aluh Karamunting, inya ne pabila handak sumbahyang pasti mamacul ka simpak alias cawat alias salawar dalaman.

Jadi kaeni kisahnya, rahatan Aluh handak bawudu, inya mamacul ka simpak. Habis tu, lalu Aluh ne maandak ka gulungan sajadah. Tulak ae Aluh ne ka pawuduan, rahatan asik bawudu, tamintang alias kabatulan alias kabalujuran lampu listrik pajah. Tapaksa bakadapan Aluh ne bawudu. Sama juwa wan urang di dalam masigit pada bakadapan.

Nang lucunya, gulungan sajadah ampun Aluh sakalenya tapahurup, tapakai oleh ibu-ibu nang di higa. Napa tia isi gulungan sajadah nang dikira ampun sidin nih di pakainya ai. Nah maka ada simpak di dalamnya tadi. Dikira hidin talakung kapala mukena, lalu dipuruk sidin nai. Ngarannya mamuruk bakadapan lampu, kada tahu ai sidin nih pada simpak di pakaikan ka kapala. Rahatan mamuruk, bingung sidin nih, “Kanapa yu maka talakungku nih sintop kapala sampai ka muntung-muntung tatutupi, mana higa mahiga baluang wan babau kada nyaman,” jar sidin dalam hati.

Pas rahatan bingung, bakajutan banjala (manyala) lampu. Takajut sidin nang ditalakungakan ne kalinya simpak wara. Mana pina rabitan, babau hapak, wan hibak tahi manan ha pulang. Mandarau bibinian di balakang riuh tatawaan manawakan sidin. Bingung buhan lakian di muka napa pahabaran bibinian di balakang, maka sumbahyang handak mulai sudah.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s