UPRASI SUMBING (Serial Utuh Ujai)


UPRASI SUMBING (Serial Utuh Ujai)

Oleh: Marfaie Arfa Dinata Putra, Amuntai

Alkisah di kampung Jingah Rabit ada saikung urang lakian nang ada kalainan. Bila malihat babinian nang bungas lalu ai bibir nya basuit tarus. Ngaran galarannya Utuh Mahau. Jadi digalar kaitu marga bibirnya dahulu sumbing. Inya ne urang pandatang di Kampung Jingah Rabit, aslinya urang Palangka. Inya basapupu wan Utuh Hirman abahnya Utuh Ujai.

Bahubung Utuh Mahau urangnya sumbing, jalas ai inya ne bacita-cita handak normal pamandiran nang kaya urang. Usut katia usut ada dadangaran habar bahwa Duktur Apam bisa mauprasi urang nang bibirnya sumbing. Singkat kisah singkat tali salawar, batulak ai Utuh Mahau ka RS Sambang Lihum wadah Duktur Apam bagawi. Ih ai di sana tapandir wan duktur ertinya kawa haja sumbingnya Utuh ne ditambai, imbahitu lalu batantu hari ae kabila diuprasi?

Wayah sampai arinya diuprasi, bibir utuh dibalah, imbahtu dijahit sampai tuntung. Duktur bapasan, “Tuh, ikam jangan bepandir nyaring, kena rabit jahitannya!”

“Enggih, duktur ae,” jar utuh. Imbahtu utuh ne bulik ka rumah. Pas di tangah jalan, utuh ne kacupitan. Napang ada, inya bakuriak sing nyaringan. “COPEEET!!!!” Kada ingat lagi bungkas jahitan bibir. Tapaksa babulik pulang inya ka wadah Duktur Apam. Balalu dijahit pulang nang rabit tu kaya asal. Imbah tu bapasan pulang duktur, “Ingati lah, jangan bakuriak lagi, mun rabit pulang kada kawa dijahit lagi!”

Langsungai bulik ka rumah sambil manahani kada bapander di jalan. Sampai ka rumah salamat haja. Nah, malam harinya di higa rumah Utuh Mahau ada kabakaran. Napa ada, umpat ae juwa bangun kuriak-kuriak. “Kabakaran…kabakaran…..kabakaran….!” Kada sadar rabit pulang jahitan.

Isuk harinya mahadap pulang ka duktur. “Bahhh…iya am, ne kada kawa lagi dijahit Tuh ae, napa mun dagingnya kada lagi,” jar duktur manjalasakan, “tapaksa diliatakan wara ae lagi.”

“Mai leh duktur, carikan pang sulusinya kayapa supaya kawa dijahit. Nang kaya apakah nang panting kawa tatutupi wan sampuk jahitannya!” Jar Utuh pina maanduh-anduh.

Balalu duktur ne kaingatan wan sisa daging bakas kakanakan basunat baluman utuh datang tadi. Nintu ae pakai mambaiki jahitan nang rabit tadi. Singkat kisah, hari baganti hari, minggu baganti bulan, bulan baganti tahun, bibir Utuh ne baik sudah nang kaya urang. Bapandir ampih dah talus angin. Maniup palak ruku ampih dah babantuk amor. Cuma ada sadikit kalainan, satiap ada babinian bungas lewat, pasti dah bibir utuh ne basuit-suit saurangan.

Sakali disalidiki, eh mungkin marga daging bibir tadi bahannya tabuat daging nang di bawah, jadi malihat bibinian nang aduhai utumatis atas bawah bagarak.

Wkakakkak…..

Iklan

One thought on “UPRASI SUMBING (Serial Utuh Ujai)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s