MARANTAU


MARANTAU
Oleh: Ampeak Sie Kaminting Pidakan, Kalua

………………..Wayah masih anum sablum jadi Pambakal Jingah Rabit nang asli, bangaran Julak Adum tuhuk jua marantau ka banua urang lawan kawan saparjuangan si Utuh Hirman. Nah kisah ini mangisahkan pamgalaman pambakal waktu anum lawan Utuh Hirman waktu marantau ka kota Sampit. Singkat kisah singkat tali salawar, Utuh Hirman jadi tukang beca, Julak Adum bajualan bakso. Sakali lagi kita manyingkat tali salawar, pas tangah hari Utuh Hirman kalaparan balalu datang ka warung Julak Adum, “Julak, bakso brapa sapiring?” Ujar Utuh Hirman batakun.

“Lima ribu,” jar Julak Adum manyahut. “

“Dua ribu gen, kakawanan juwa Julak ae,” ujar Utuh Hirman.

“Ayuha,” ujar Julak Adum manyahut.

Kada lawas datang Julak Adum maantari bakso, “Napa suun haja julak?” Ujar Utuh Hirman batakun.
“Dua ribu, kada pakai mie kada pakai pentol!” Ujar Julak Adum. Tapaksa ae mamakan suun haja dari pada kada makan. Dalam hati Utuh Hirman, “Ada haja tu balasannya kaena.”

Nah singkat pulang tali salawar, isuk hari Julak Adum datang batutukar di pasar gasan bahan bakso, “Uii Utuh Hirman antar aku bulik, barapa ongkosnya?” Ujar Julak Adum batakun.

“Lima ribu,” ujar Utuh Hirman.

“Dua ribu haja lah kakawanan juwa?” ujar Julak Adum.

Lalu Utuh Hirman bapikir, “Ayuha.”

Lalu naik ka atas beca si Julak Adum tadi, pas rahatan jalan turun gunung julak hirman maninjak beca sing lajuan. “Uii Tuh, talimpua rumahku, kalo tagulung kita lajunya. Rem rem di rem,” ujar Julak Adum. Sambil bakuriak Julak Hirman manyahut, “Dua ribu kada pakai REMMMMMMMMMMMMMMM.”

Iklan

2 thoughts on “MARANTAU

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s