BALAJAR BAJUALAN


BALAJAR BAJUALAN
Oleh: Ampeak Sie Kaminting Pidakan, Kalua

Nah takisah pulang waktu pambakal lawan Utuh Hirman marantau ka Samarinda. Kesahnya, pambakal lawan Utuh Hirman bajualan obat. Singkat kisah singkat tali salawar, mulai bajulan obat tradisional di pasar.

“Pambakal, ikam pacul baju!” jar Utuh Hirman manyuruh. Balalu pambakal mamacul baju. Pambakal ne mamakai salawar tapung tarigu bacaannya, batopi purun, basandal capal, sandal bamirik NIPON. Imbah tu Utuh Hirman mamulai pandir pas rahatan orang mulai banyak baparakan.

“Ini obat bukan sambarang obat, ini obat saya ambil dari gunung Katibam. Sagala penyakit nang ada di seluruh tubuh hilang tanpa bekas!”

Lalu ada nang batakun, “Penyakit kawan sampian to kanapa kada hilang?” Jar urang te sambil manunjuk awak pambakal nang hibak panau. Lalu Utuh Hirman manapak ka balakang pambakal, sambil beucap, “Ini sagan cuntuhnya kena!”

Mingar pambakal, garingitan kasasarikan. Lalu Utuh Hirman bepandir pulang, “Salama mangunsumsi obat ini capcai, mie kuah, gado-gado buleh dimakan, mun batu bata, baot moor kabotaku kawasaki jangan dimakan. Bila mata bakunang kunang, kunang kunangnya dipicik, bila batis kasamutan samutnya nang dipicik, singgapur-malaisia jangan tanya sama saya, saya tinggalnya di Kalua, rumah saya berpagar besi, marmarnya marmar putih, bila Anda berkunjung ka rumah saya, Insya Allah Anda takunjungi rumah orang lain, rumah saya ada di balakangnya.”

Kada lawas ada nang batakun, “Aku sakit mata nah, kayapa?”

Sambil sarik pambakal manyahut, matanya hilang, hidung baganal, talinga bapanjang, langsung bukahan orang takutan. Ada nang sakit tangan takutan kalo hilang tangannya.

Iklan

2 thoughts on “BALAJAR BAJUALAN

  1. Nah ham….,,utuh hirman tu,,ibarat jar urang jawa di ngarani ‘bocoralus’,tagantar jar kita. Ckekekekek,,,

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s