MAUNJUN DI TAMBAK PAK KANING


MAUNJUN DI TAMBAK PAK KANING
Oleh: Marfaie Arfa Dinata Putra, Amuntai

Takisah buhannya, Isul wan Undul ne handak maunjun ka tambaknya pak KANING. Singkat kisah singkat tali salawar, sasampainya di tambak buhanya ne takajut malihat ada palang babacaan paringatan, “DILARANG MAUNJUN DI SINI!” Mandam Isul ne tapandir, “Bah, iya am dah! Kaya apa kita ne Ndul?”

Balalu ae si Undul ne pina bapikir satumat, …@~+@ singkat tali salawar, “Yo ha, tanang haja ikam, kita tarusakan haja maunjunanya, soal paringatan nintu nyaman ja di atur, AKU nang batanggung jawab!” Lalu batarus ai buhannya ne maunjunan.

Pas rahatan a’asikanya maunjunan, datang pak KANING bamamai sambil parang batatingan di tangan, Wwoyy!!!!” Jar sidin, “napa hajat maunjunan di sini kada tahukah bacaan palang di situ, kucancang ha unjun tu!” Jar sidin sambil maacungkan parang.

Mandangar rawaan kaya itu, limbuy paluh Isul capat handak ma’ambil langkah saribu. Tapi ditarik banarai oleh si Undul, “Tanang haja ikam Sul ai, kan tadi aku dah padahakan aku nang batanggung jawab soal ngini!”

Dengan muha santai Undul ne baparak ka Pak Kaning piragah kada tahu-manahu, “Napa Pak Kaning?” Jer Undul.

“Napa-napa nginih, maapa maunjun di sini kada mambacakah palang di situ?” Jer Pak Kaning.

“Oh itukah, sudah ae kubaca!” Jer Undul.

“Mun sudah dibaca, kanapa maka masih maunjun di sini?’

“Yeeee, siapa nang maunjun Pak?” Undul pina bakilah. “Kami baduan ne lagi rame mamandi’i cacing, rigat banar cacingnya,” jer Undul.

Iklan

4 thoughts on “MAUNJUN DI TAMBAK PAK KANING

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s