Nang Putihkah, Nang Hirangkah? (Serial Utuh Ujai)


Nang Putihkah, Nang Hirangkah? (Serial Utuh Ujai)
Oleh: Pambakal Jingah Rabit

Utuh Ujai ne beisi pusaran rambut di kapala dua buting, jadi jar Utuh Hirman, “Malihat pusaran rambut ikam tu, ikam cucuk maharagu kambing atawa biri-biri.” Imbah tu Utuh Hirman langsung ka pasar binatang manukar biri-biri dua ikung sagan diharagu Utuh Ujai. Balang nang laki hirang, nang bini putih. Utuh Ujai saurang himung banar bagaduh biri-biri. Sasain lawas, biri-biri Utuh Ujai ne batambah banyak. Singkat kisah, talu tahun baharagu biri-biri parak ratusan ikung si utuh beisi. Nang haratnya, biri-biri utuh ne dua ja balangnya, hirang wan putih. Tiap tahun inya bajual bulunya ka parusahaan banang ampun Haji Biju di pasar Tanjung.

Rahatan kadada gawian, Haji Biju datang ka kampung Utuh Ujai di kampung Jingah Rabit. Matan jauh inya malihati si Utuh Ujai maharagu biri-birinya nang banyak. Balalu Haji ne beparak wan Utuh handak batakun marga tatarik wan gawian Utuh ne. “Tuh, bulihlah diaku ne batakun tantang biri-biri ikam tu?”

“Jah Haji, kadada siapa nang malarang urang handak batakun,” jar Utuh Ujai.

“Kira-kira barapa jauhnya biri-biri kam bajalan sahari?” Jar haji.

“Nang hirang kah, nang putih kah?” Jar Utuh.

“Nang putih,” jar haji.

“Parak anam pal saharinya inya bajalan,” jar utuh.

“Nang hirang pang?”

“Sama haja,” jar utuh.

“Banyak kah inya makan kumpai sahari?”

“Nang hirang kah, nang putih kah?” Jar Utuh.

“Nang putih,” jar haji.

“Parak 6 kilo saharinya,” jar utuh.

“Nang hirang pang?”

“Sama haja,” jar utuh.

“Banyakkah bulunya tiap tahun sagan dijual?”

“Nang hirang kah, nang putih kah?” Jar Utuh.

“Nang putih,” jar haji.

“Parak 6 kilo saikungnya,” jar utuh.

“Nang hirang pang?”

“Sama haja,” jar utuh.

Haji Biju jadi bingung wan panasaran. “Bulih kah diaku ne batakun, kanapa ikam mambidakan banar nang hirang wan nang putih bila aku batakun, sakali jawapannya sama haja?”

“Oh, bulih banar Haji ae. Jadi ulun majawap kaitu, nang putih tu ampun ulun saurang!” Jar Utuh Ujai.

“Ohhhh, damintu alih, nang hirang pang ampun siapa?”

“Sama haja pada ampun ulun,” jar Utuh Ujai kadatatahu muha.

Iklan

4 thoughts on “Nang Putihkah, Nang Hirangkah? (Serial Utuh Ujai)

  1. Dasar tagantar jua orangnya utuh ujai ne. Mudah2an haja nang ma ulah kisah kada ta umpat2 tagantar.. Brakakakakakak…..,,

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s