Su Ijak Bagawi Satpam


Su Ijak Bagawi Satpam
Oleh: Adum M. Sahriadi

Imbah lawas bacari gawian, ahirnya Su Ijak dapat tawaran bagawi di pabrik sawit. Gawiannya jadi satpam alias jaga malam. Sabujurnya gawian ne kabalujuran haja, imbah sidin mamukuli cupit di pasar nang maambil duit bos sawit. Lalu bos ne balas jasa, manggawikan Su Ijak jadi satpam malam. Gawiannya mamariksa barang bawaan bubuhan nang bagawi, kalu ada nang bacucuntan di dalam pabrik.

Singkat kisah, imbah saminggu bagawi, kadada masalah. Kanapakah malam itu mancungul saikung lalaki nang pina mancurigakan kaluar pada pabrik mambawa karita sorong nang hibak wan surat kabar. Sampai di pos, langsung di satup Su Ijak. “Siapa ikam?”

“Ulun karyawan hanyar, gawian ulun tukang basuh piring wan basisimpun,” jar urang te.

“Nangapa nang ikam bawa, jangan-jangan ada nang dicuntan di dalam,” jar Su Ijak sambil mambuka tuyukan surat kabar. Tapi kadada apa-apa di bawah tuyukan surat kabar tu.

“Ulun malihat tuyukan surat kabar di kantor, tabubuang haja jadi ulun ambil, lumayan kawa bajual kartas pakai mangganti ungkus ruku barang,” jar urang tu.

Lalu Su Ijak manyuruh urang tu batarus. Tiap malam Su Ijak tatamu urang nintu, mambawa karita surung nang baisi surat kabar. Takakananya dipariksa Su Ijak, kalu ada barang nang diambil matan dalam pabrik, tapi dasar surat kabar haja isinya. Sampai satahunan kaitu haja.

Imbah satahun bagawi, Su Ijak dapat panggilan matan bos. “Nah, bisa naik pangkat saku aku ne,” jar Su Ijak dalam hati. Lalu Su Ijak mahadap bos.

“Ikam Jak ae, kupecat! Gawian kam kadada nang beresnya,” jar bos.

“Haw, hadang dahulu bos, napa maka ulun dipecat. Nangapa salah ulun. Pabrik aman haja, kada suah kamalingan,” jar Su Ijak mambila diri.

“Aku maklum haja, tapi ne kada kawa dibiarakan balarut-larut. Aku mamandang jasa ikam dahulu banar ae. Pabrik ne tiap malam kamalingan,” jar bos.

“Haw, jar siapa kamalingan?” Jar Su Ijak pina bingung.

“Ne laporannya, pabrik kahilangan karita surung tiap malam. Jadi jumlah nang hilang 365 buah, pas satahunan 365 hari, salawas ikam jadi satpam, kayapa ikam batanggung jawab?” Jar bos sambil manjulung duit pasangon.

“Nah am, diakali maling aku ne, alasan mambawa surat kabar,” jar Su Ijak gagarunum dalam hati, sambil balalu supan muha pada bos.

Iklan

2 thoughts on “Su Ijak Bagawi Satpam

  1. Iyam am ngalihay ngarannya dtipu. Tapi talalu pang mun smp satahun. Tu ngarannya bu***ul,,di hantak,di jajak ha pulang. Dasar wala.. Hebat nang m ulah kisah. Ckekekekekek….

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s