Kisah Su Enor (Masih Bujang)


Kisah Su Enor (Masih Bujang)
Oleh: Adum M. Sahriadi

Su Enor ne 3 kali dah kawin-pagat. Pas rahatan nang kaampat kalinya inya handak kawin wan Utuh Runi, Utuh Runi ne minta sarat supaya Su Enor ne bapariksa ka duktur, kalu batianan. Karna mun batianan, maka Utuh Runi kada hakun mangawini.

Imbah sampai di rumah sakit, langsung Su Enor wan Utuh Runi ka duktur kandungan bapariksa. Imbah duktur batakun-takun kisah, maksud, wan kahandak Su Enor lalu duktur Ainah mulai mamariksa pakakas Su Enor.

“Bagagamat mamariksanya, duktur ae! Ulun masih bujang,” jar Su Enor.

“Jah, jar pian tadi, pian sudah talu kali kawin-pagat, kada mungkin masih bujang?”

“Kaini kisahnya duktur ae, laki ulun nang panambayan urangnya imputin, jadi kada mau maulin ampunnya,” jar Su Enor.

“Ohhh, kaitukah. Laki pian nang kadua kada imputin kalu?”

“Kada pang duktur ae, tapi inya babincungan. Ulun kada suah dijapai lalu. Jablay tu pang,” jar Su Enor.

“Nah am, laki pian nang katalu pang, kada imputin wan babincungan kalu?” Jar duktur Ainah manakuni.

“Kada, tapi inya urang politik duktur ae,” jar Su Enor.

“Jah, napa hubungannya wan kabujangan pian?”

“Enggih, tahu haja kalu urang pulitik. Inya janji-janji wara kada suah digawi. Jadi sampai wayahne ulun masih bujang,” jar Su Enor.

“Jadi mun kaitu napa maka pian bapariksa?”

“Ulun handak mambuktiakan wan Utuh Runi pada ulun masih bujang, jadi kawa ulun mintai jujuran larang,” jar Su Enor.

Antara himung wan tanganga Utuh Runi nang mulai tadi badiam haja. Dalam hati baucap ae, “Kadapapa larang jujuran, nang panting urangnya bujang.”

Iklan

2 thoughts on “Kisah Su Enor (Masih Bujang)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s