KADA HAKUN MATI
Oleh: Adum M. Sahriadi
Takisah duktur Apam nang hanyar diandak pamarintah di kampung Jingah Rabit. Rahatan panambayan buka, datang Aluh Dangkik nang urangnya kada tapi pintar handak baubat. Takajut duktur Apam malihat Aluh Dangkik ne datang sambil manangis-nangis basisigan, “Ulun kada hakun mati duktur ae.”
“Jah, napa habar, kisahakan dahulu nangapa nang diarit pian maka kada hakun mati!” Jar duktur Apam sambil maambil kartas.
Sambil basisigan nangis, si Aluh mangisahakan. “Duktur, ulun ne marasa sakitan sunyaan di awak bila digatuk (dijapai) wan tangan. Lihati nah!” Lalu Aluh Dangkik manjapai dadanya wan tangan, imbah tu takuriak kasakitan. Manjapai batis, takuriak juwa kasakitan, manjapai kapala kasakitan juwa. Sunyaan awak nang dijapai, pasti takuriak kasakitan. “Hann, iya kalu duk, napa haja nang ulun japai, pasti kasakitan,” jar Aluh sambil manahani sakit.
Unggut-unggut duktur Apam mandangari kisah Aluh ne. “Ehm, sabujurnya awak pian tu kada sakit. Nang sakit tu jariji pian nang patah, jadi napa haja nang dijapai pasti sakit pian, jar duktur Apam manjalaskan.
“Uhh, damintu alih. Bearti imbah guguri niur satundun sumalam nang kana jariji ulun, langsung patah. Jadi dimapa ne?”
Caka di guguri abahnya nyaman ae leeh.,,. Hehehe.,,,
mun diguguri abahnya, ya am bangkak awak…..wkakakkak