Surat Su Amru Gasan Utuh Ujai (Serial Utuh Ujai)


Surat Su Amru Gasan Utuh Ujai (Serial Utuh Ujai)
Oleh: Pambakal Jingah Rabit

Su Amru ne kawan Utuh Ujai lagi di SD Sambang Lihum. Wayahne inya bagawi maambilupah mangatam di handil. Mulai SD sampai SMA sudah Utuh Ujai ne, kada suah nyaman lalu panghidupan Su Amru. Bila musim karing maambilupah ngatam, bila musim banyu umpat urang maiwak. Balain lalu lawan Utuh Ujai nang wayahne sugih banar, gara-gara baisi kawitan tiri nang sugih banar, maka kada sing anakan ha pulang.

Nah, rahatan Utuh Ujai asik main PS, datang tukang pus nang maantar surat. Takajut Utuh, kada suah saumuran dapat surat matan urang. Dilihatinya surat tu, amplopnya kartas bagaris biasa, bacalumut pinggirnya bakas di lem lawan nasi. Babau hapak, nangkaya satahun babuat dalam kupiah. Balalu Utuh Ujai mambuka, lalu mambaca ae, singgang kapala maitihi tulisan nang kaya cacing kada bakapala, tapuntal-puntal.

Gasan Utuh Ujai di Pulau Kapuk……

Dangsanak, lawan duit ikam kawa manukar ranjang pakai guring, tapi kada kawa manukari ‘nyamannya guring’ nang kaya kami di pahumaan.

Dangsanak, lawan duit ikam kawa anukar jam nang harat, tapi kada kawa manukari waktu nang raminya kita bahari bahujan-hujan bila bulik sakulah.

Dangsanak, lawan duit ikam kawa manukar buku, tapi kada kawa manukari ilmu pangatahuan kayapa lapahnya hidup di alam nang bujuran.

Dangsanak, lawan duit ikam kawa manukari gawian nang pas gasan ikam, tapi kada kawa manukari kahormatan.

Dangsanak, lawan duit ikam kawa manukar ubat-ubatan bila garing, tapi kada kawa manukari kasihatan nintu saurang.

Dangsanak, lawan duit ikam kawa manukari darah urang, tapi kada kawa manukari hidup urang.

Jadi dangsanak ae, duit kada kawa gasan sagalanya, banyak juwa nang bangalih kahidupan imbah banyak baisi duit. Malam kada takuring, kaganangan duit haja kalu dicuntan maling. Nah, diaku ne kada mamadahi pang, cuma mambaritahu ikam haja, kita sudah lawas bakawan. Jadi bangaran kita ne kawan, diaku handak manyingkirkan pandaritaan nang ikam alami imbah kabanyakan beisi duit. Imbah tuntung ikam mambaca surat naya, langsung ja ikam ka kantur pus, kirimakan duit ikam gasan diaku sabanyak-banyaknya supaya ampih baganangan. Biar diaku haja nang mandarita wan baganangan imbah dapat duit matan ikam.

Salam Badingsanakan haja…………..
Sahabatmu,

Su Amru

Iklan

2 thoughts on “Surat Su Amru Gasan Utuh Ujai (Serial Utuh Ujai)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s