TATO NAGA UTUH UJAI (Serial Utuh Ujai)


TATO NAGA UTUH UJAI (Serial Utuh Ujai)
Oleh: Pirhan Awapa, Kalua

Utuh Ujai anak Kai Hirman ne bingung malihat pamudaannya wayahne. Ada nang bakangkalung, ada nang basuang sampai ka hidung ha pulang. Si Utuh ne bahiri banar lawan pamudaan nang mamakai gambar di awak alias batato. Hari nintu Utuh Ujai tulak ka wadah Julak Adum handak minta tulung, inya handak minta gambarkan awaknya lawan gambar naga. Pas tamintang alias kabatulan, Julak Adum ada di rumah. “Napa habar, Tuh?”

“Aku handak minta tulung lawan julak, julak harat kalo manggambar, kawa kah julak maulahkan tato nang gambarnya naga?” Jar Utuh Ujai.

Takajut julak mandangar, “Aku kada bisa baulah tato. Wan kita kada bulih batato, kena kada sah mandi junup.”

“Kada papa julak ae, ulun kada handak minta ulahkan tato nang parmanen. Ulun minta ulahkan nang batulis pakai sapidul haja, supaya mun dibawa mandi langsung lingkah,” jar utuh.

Marga dipaksa, hakunai Julak Adum manggambarkan. Lalu julak maambil sapidul nang dibawa utuh, “Handak kugambar di mana naganya?” Jar julak betakun wan utuh.

“Di balakang haja,” jar utuh.

Lalu digambari julakai balakang utuh ne wan gambar bulat-bulat nang kaya hintalu. “Sudah tuntung,” jar julak.

Takajut Utuh Ujai, “Kanapa gambar tatonya bulat nang kaya hintalo?” Jar Utuh Ujai sambil malihat di caramin. “Aku minta gambarkan naga, julak ae!”

“Nintu hintalunya,” jar julak.

“Naganya pang mana?” Jar Utuh pulang nang kaya urang panasaran.

“Kaina, hadangi hintalunya macah dahulu, hanyar beubah jadi naga,” jar Julak Adum.

Langsung hinip Utuh Ujai kada sing suaraan. Hanyar sakali ne Utuh Ujai tapakalah kada kawa mambalas.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s