KAI HIRMAN HANDAK BEANAK (Serial Utuh Ujai)


KAI HIRMAN HANDAK BEANAK (Serial Utuh Ujai)
Oleh: Pambakal Jingah Rabit

Utuh Hirman nang waktu itu kawin wan Aluh Karamunting, wahini baumur 80 an tahun, makanya dikayau kai. Juwa Utuh Ujai anaknya sudah ganal wan rahatan maurak halar katuju manggawil bibinian di pasar. Hari nintu Kai Hirman ne bepander wan Nini Aluh, “Umamu, kayapa pang nah, lawas banar kita kawinan, balum juwa beanak. Utuh Ujai tu lain matan ikam, jadi siapa nang cagaran mawaris harta ikam nang banyak ne?”

“Nah am, kada tahu am. Cuba pang pian pariksaakan ka duktur, kalu sidin ada cara supaya kita mau beanak?”

Isuk harinya, Kai Hirman badua nang bini tulak ka duktur Apam. Lalu sidin bakisah wan duktur pada handak banar beisi anak. Suah haja beisi anak, tapi lain matan bininya nang naya. Lalu duktur manjulungi toplis halus. “Mun kaitu, pian isuk datang lagi ka mari, isi toplis tu wan banyu mani pian, nyaman kami mamariksaakan, kalu banyunya kada harat lagi maka kada mau jadi anak!” Jar duktur Apam nang sabujur papatuhan lawas juwa wan kai.

Isuknya pulang, datangae kai ne wan nang bini. Imbah tu dijulungnya toplis tadi. Nang anihnya, toplisnya masih kada baisi kaya asal, kadada lalu isinya. Duktur Apam betakun, “Kanapa maka kada diisi toplisnya?”

“Kaini dukturai, ulun sudah cubai wan tangan kanan, kada kawa. Imbah tu ulun cubai pulang wan tangan kiwa, kada mau juwa. Ulun suruh bini ulun, lalu inya pakai tangan kanan, kada mau. Imbahtu pakai tangan kiwa, kada mau juwa. Lalu pakai muntung pulang, tatap kada mau juwa,” jar kai barantat satumat. Duktur Apam unggut-unggut mandangarakan. “Imbah bini ulun kada kawa, lalu ulun mangiyau si Enor anak Utuh Runi nang masih bujang. Imbah Enor nang bungas tu datang, dicubainya pakai tangan kanan, kada mau, pakai tangan kiwa tatap kada kawa. Imbahtu pakai muntung, kada kawa, lalu mancubai mangapit di lipatan tampaha, tatap kada kawa juwa.”

“Akay, pian sampai mangiyau urang subalah rumah!” Jar duktur Apam kagum wan bingung.

“Inggih, sampai wayahne ulun, bini ulun, wan si Enor masih kada kawa mambuka tutup toplisnya. Jadi ulun datang ne minta bukaakan wan pian tudungnya,” jar kai.

“Akayah ae, kukira napakah tadi,” jar duktur Apam lihum.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s