Mamanasiakan


MAMANASIAKAN
Oleh: Roni Race Batola

Imbah dipihaka parusahaan wadah Adum bagawi, Adum ne mabuk bapisbukan ja lagi gawian, samantang ada dapat pasangun ngitu ja lagi nang dikutil tiap hari. Kada mayu siang saharian sampai takamalam bapisbukan haja.

“Dum, kam tu kada muyak wan sarik lah bini kam mun siang malam kam tu bapisbukan haja?” Jar Utuh Runi batakun.

“Biniku tu Run ai urangnya kada kaya bini kam pang panyarikan, biniku pangartian bila aku ne lah saharian balalah atawa bapisbukan. Bila aku datang udah siap tupang makanan di atas meja.”

“Bujur jua kah?” Jar Utuh Runi.

“Mun kam kada parcaya, kemarian ni nah kita ka rumahku!”

Lalu Utuh Runi umpat ka rumah Adum salajur handak umpat makan. Sampai di rumah Adum, Adum takajut maliat bininya mancungkung duduk di atas kumpur kada sing salawaran. “Ding, kanapa ikam duduk di situ?” Ujar Adum.

“Baras, iwak, wll habisan ka ai, jadi ngini pang ulun mamanasiakan pacangan makan pian malam kena,” jar nang bini.

Utuh Runi nang di luar matan tadi mandangarakan pamandiran Adum vs bininya lucut tatawa salajur bulik kada sing padahan.

Iklan

2 thoughts on “Mamanasiakan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s