Mutur Kijang


Mutur Kijang
Oleh: Rezki QyQy Amrullah, Banjarbaru

Ini kesah tantang Utuh Hirman nang lagi dapat warisan, pas nya dapat warisan handak jua baisi mobil, balalu ka dealer’ai. Tulak’ai ka deler nang ada di pal 10 nang bangaran ‘Wira TOYOTA’ sambil balilihat, balalu naksir lawan mutur nang bangaran Kijang INNOVA, mamasan sidin sabuah, imbah sabulan dikiau sidin dsuruh maambil ka deler. Tapi sidin kada kawa maambil, jadi minta antarakan haja, pas datang, himung banar sidin, asa handak langsung memakai.

Pas memakai handak baputar-putar takajut banar pas mamindah gigi 1 ka gigi 2 kada mau lalu langsung ka 3 aja, babarapa kali dicoba kaya itu tarus, asa kasasarikan sidin marasa dibunguli deler, “Bisa mutur bakas dijual bubuhannya neh,” dalam hati gagarunum sambil masam muha. Pas sampai di deler balalu sarik-sarik lawan hamuk-hamuk tapi kada bapapacah pang, bamamai sudah, “Bubuhan kam ini bung** banar mandustai aku, bapadah mutur hanyar, ma kanapa hanyar dipakai langsung rusak!”

Datang Bos deler batakun, “Kanapa pian pak hamuk-hamuk di wadah kami?”

Sambil tahingal sidin mangesahkan, “Aku hanyar sumalam nukar mutur, kanapa langsung rusak? Rusak kanapa? Itu gigi 2 nya kada mau pas 1 langsng ka gigi 3!”

Pas mandangar nitu si Bos tadi langsung mengalakak tatawa. Maginnya ae tambah sarik si Hirman maka handak meilai tangan melapau sudah, untung sampat ampih tatawa si bos tadi, sambil bapander, “Pian kada tahu iklan kijang kah pak? Maka sudah dipadahi, ”KIJANG TIADA DUAnya”

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s