TIGA KALI HINIP


TIGA KALI HINIP
Oleh: Rijani Sang Pujangga Amuntai

Su Hirman katika handak malamar si Enor, 3 kali hinip judul nya.

Singkat kisah…
Su Hirman basiap-siap handak ka rumah galuh si Enor. Pakayan nicis, rambut bajambul nangkaya rambut Cuk Noris artis barat. Minyak farpum dari Prancis cap liberty’ hibak dikasay di awak. Salawar panjang cap leya nang paling larang. Pukuknya Su Hirman gagah tu pang sudah wan sapatu-sapatunya dari kulit buaya kiriman hindia.

Singkat kisah singkat tali salawar…….
Su Hirman mambawa’i Pambakal Jinggah Rabit ka wadah si Enor, bamaksud handak malamar si Enor, pas harinya kamarian. Lalu Su Hirman wan pambakal singgah di muka rumah si Enor, disambut wan abah si Enor.

“Assalamualaikum,” ujar pambakal.

“Walaikumsallam,” dibalas abah Enor. Balalu batakun abah Enor, “Buhanmu napa kisah maka taka sia?”

Su Hirman ranai haja dari tadi kada sing bunyian. Balalu jua si pambakal manjawab, “Kami ka sia bamaksud handak malamar akan Utuh Hirman ni nah nang lawas sudah bamandaman wan si Enor.”

Mandangar kisah tadi lalu abah Enor ni mangiyaw wan si Enor. Tatamu Su Hirman wan si Enor, habang muha Su Hirman malihat muha langkar galuh si Enor nang bujang kulit langsat anum, tabarasih dari muhanya bini panghulu. Nang sasuai kisah urang bahwa banyak urang nang handak wan si Enor, tapi maka Su Hirman nih nang dipilih si Enor, kira-kira luku ada kajian maut.

Singkat kisah pulang, pada sudah saling tatamu, lalu ranaian dalam rumah ni. Kada lawas abah Enor baucap, “Bubuhannya nih tih datang ka sia bamaksud handak malamar ikam, kayapa ikam Nor? Hakunkah dilamar wan Su Hirman ni nah?”

Ranai si Enor ni juwa lawan muha habang. Sampai tiga kali, abahnya si Enor bapandir nang kaya tadi, tatap haja si Enor kada sing jawaban dari tadi ditakuni abahnya, lalu balingkang badiri hancap bukah ka dapur si Enor nih.

“Haw!!!” Ujar buhannya batiga nih takajut malihat si Enor bukah ka balakang. Su Hirman pucat asa was-was, takutan pina ditulak. Sakalinya kada lawas, mandarau bunyi bakuciak.

“Mun urang hinip tu, bararti handak to……!”

“Alhamdulillah!” Baimbai batiga baucapan. “Baarti kada lawas lagi ikam babini anak unda,” jar abah Enor.

Lalu lihum Su Hirman mandangar.

Iklan

2 thoughts on “TIGA KALI HINIP

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s