MAIN PISBUKAN


MAIN PISBUKAN
Oleh: Roni Race Batola

Takisah Julak Ijak nang lagi banyak pikiran, sidin ngini pina satres imbah ditipu urang. “Uiii julak, kanapa pian ahir-ahir ngini pina rancak mahungut?” Ujar Ujal marawa julak nang lagi mahungut nangkaya burung tatapayan imbah tanyalam ka banyu.

“Aku ni Jal ai lagi mamikirakan duitku nang dibawa urang kabur tupang,” ujar julak manyahuti.

“Banyaki hiburan aja julak ai, ni hari ini bubuhan artis Jakarta pacangan bajugitan di kampanye CAGOB,” jar Ujal pulang.

“Asa kulir aku bajajalanan nah,” jar julak manyahuti.

“Mun pian kulir bajajalan, bawa bapisbukan barang, jadi ada kawan pian di rumah,” ujar Ujal.

Balalu sidin balajar mambuka pisbuk di HP anak sidin nang tatinggal. Imbah sidin malogin di beranda batulisan APA YANG ANDA PIKIRKAN?

“Nah,” jar sidin, “kanapa maka tahu HP ngini kalo aku banyak pikiran!” Dibulikakan sidin, tatap jua batulisan nang kaya hintadi. “Nah hikamai, sakali lagi kam mahuhulut, aku buang tupang kam pisbukai,” jar julak manyanyarik. Pas dibuka sidin pulang baasa tatap ada tulisan ‘Apa yang Anda pikirkan?’

TAPAU….hapinya timbai sidin ka banyu. “Han lakas jara urang tuha dihuhulut,” jar sidin bamamai.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s