KIKIH HAYAM (Serial Utuh Ujai)


KIKIH HAYAM (Serial Utuh Ujai)
Oleh: Ampeak Sie Kaminting Pidakan

Pas tulakan sakolah, Utuh Ujai tapaimbai lawan Amat Buntal. Lalu Utuh Ujai bapandir, “Mat, kaena bila istirahat ikam baimbai makan lawan aku. Kaena aku bayari?”

Lalu Amat Buntal manyahut ae, “Banyakkah ikam baduit?”

“Kada pang mun banyak,” ujar Utuh Ujai, “kawa haja gasan kita makanan sambil bakakawanan.”

Singkat kisah singkat tali salawar, pas istrahat Utuh Ujai ka warung Acil Enor tapaimbai wan Amat Buntal, Adum Halus, Utuh Jaki, wan Iyang Mariam. Tuntung saikung makan bapadah, “Cil Enor, Utuh Ujai lah mambayari.” Saikung tuntung makan kaeto jua bapandir. Pukuknya barataan nang ada di warung manyambat Utuh Ujai nang mambayari. Kada basalera makan lagi Utuh Ujai. Pas tuntung makanan, “Barapa Cil barataan?” Jar Utuh Ujai.

Hitung-hitung, “15 ribu,” jar Acil Enor. Lalu Utuh Ujai mancalok kantong sambil takajut, “Haaah…!!!”

“Kanapa ikam Jai?” Jar Acil Enor.

“Duit ulun kada cukup bayar cil ae!”

“Barapa duit ikam?”

“Ini nah Cil, sisa 10 ribu, padahal duit ulun tadi 100 ribu. Oowwh!! Baarti hayam tadi mangikih 0 (nol)nya sabigi. Kaena Cil lah 5 ribunya!” Jar Utuh Ujai.

“He eh,” jar Acil Enor pina masam muha.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s